Video
Read full review
2012-02-12
37 views
提前同愛人慶祝情人節,梗係想搵西餐食配合吓主題啦. Smart Pepperoni Pizza 已經唔係第一次幫襯, 午餐晚餐都試過,午餐價錢亦見向上調整左幾次,以前食八吋PIZZA午餐都只係HKD48,通脹,無計! 而且好多街坊食店都喺新年後加左價, 三十幾蚊個餐又係加幾蚊,四十幾蚊個餐又係加幾蚊,所以都係揀Smart Pepperoni Pizza , 計落個加幅百份比相對少D嘛, 哈哈 平時兩個人會點個PIZZA餐 + 焗豬扒飯餐, 為左響應情人節的主題,今次豪豪地點左個八吋PIZZA餐 + JUMBO漢堡包餐. 午餐先嚟多士同沙律(或者餐湯). 蒜香多士熱烘烘的,沙律菜亦見新鮮脆口,Caesar Salad汁平均分怖喺每片菜上.千奇唔好嫌棄份量少呀,因為好戲在後頭.午餐主菜接力上係八吋PIZZA. PIZZA有好多款可以喺餐牌任揀,款款都好好味,好有HOMEMADE FEEL唔似得大型連鎖集團的廠製品油油淋.今次點左煙三文魚PIZZA.以前食過淡茂茂,今次重食愛人勁讚.芝士份量多了,配上茄醬同份量十足的三文魚,YUMMY!PIZZA批底唔係油油淋的厚批底,食完唔會太漏.記得襯熱
平時兩個人會點個PIZZA餐 + 焗豬扒飯餐, 為左響應情人節的主題,今次豪豪地點左個八吋PIZZA餐 + JUMBO漢堡包餐.
午餐先嚟多士同沙律(或者餐湯). 蒜香多士熱烘烘的,沙律菜亦見新鮮脆口,Caesar Salad汁平均分怖喺每片菜上.千奇唔好嫌棄份量少呀,因為好戲在後頭.
午餐主菜接力上係八吋PIZZA. PIZZA有好多款可以喺餐牌任揀,款款都好好味,好有HOMEMADE FEEL唔似得大型連鎖集團的廠製品油油淋.今次點左煙三文魚PIZZA.以前食過淡茂茂,今次重食愛人勁讚.芝士份量多了,配上茄醬同份量十足的三文魚,YUMMY!PIZZA批底唔係油油淋的厚批底,食完唔會太漏.記得襯熱食係最好的,因為凍左或者會覺得硬左D.
另一個主菜係JUMBO漢堡包. 漢堡包可以揀豬牛羊鷄,之前食過牛漢堡包,略乾, 今次的羊漢堡包依舊係以大大份作為賣點.漢堡包的包包我估係嘉頓出品(因為見過佢裝包的貨架有嘉頓LOGO)質素有一定的水準,而且包上面的芝麻喺包包烘熱過之後散發住好香的芝麻味,包面脆脆的,包內軟軟的.就連唔鍾意食包的媽媽上次食過亦話唔難入口,好好0趙.漢堡包入面有生菜蕃茄芝士沙律醬同埋大大件免治羊肉漢堡.個人鍾意食澱粉質多過蛋白質,所以對於件羊肉漢堡只能講句'OK啦',比起上次食的牛漢堡JUICY 係D,但可惜今次羊漢堡的表及底面煎過龍,煎到焦黑燶燶地,所以都切要走底面焦燶部份先食入口.漢堡包餐仲有炸薯條同沙律做配菜,超大份,唔知有無食客會兩個人淨點一個餐分黎食呢?
經過我哋兩口子抱住堅持不浪費的精神,兩份主菜終於清枱,可以上餐飲同甜品(芝士旦糕/雪糕)了.餐飲咖啡茶正常啦,凍飲唔使加錢仲要大大杯.Smart Pepperoni Pizza的甜品另一叫人驚喜嘅係雪糕,雖然細細球,但絕對唔係一般的'牛X公司'出品.今次有藍莓雪糕,有粒粒的藍莓肉.上次食過芝麻雪糕仲好味,超多脆脆的芝麻粒,食完仲會好多好多粒留喺口度,名乎其實齒頰留香.另一款芝士旦糕亦唔好介意細細件,因為食完主菜已好飽,比太大件都只會更飽,少食多滋味係啱嘅!總括而言,我哋係會繼續全力支持充滿誠意又抵食夾大件的大角咀街坊餐廳!要搵地方開飯啦的朋友,試下呢度係咪同我地一樣可以搵到笑臉啦!
祝大家日日餐餐都係情人節!
Post
