餓媽家姐 (Moved) New Location

今日嚟尖沙咀呢邊做完身體檢查，之後就要好好獎勵自己。行到嚟呢條街多嘢食，見到呢間餐廳有我最鍾意嘅炸燒賣，諗都唔諗就入去。店員話最近佢哋出緊啲新口味嘅醬汁配炸燒賣，有成10幾款選擇，例如明太子、黑松露醬、美式辣醬等。我就揀左蒜香蛋黃醬，夠晒惹味，又香，搭配炸到脆脆地嘅燒賣，太正了，忍唔住一粒駁一粒！我另外再揀咗個芝士菠蘿安格斯漢堡包，漢堡包好出色，麵包好特別係用咗，黑色外表，食落好鬆軟。另外佢嘅patty非常之有驚喜，全手工製作，超出外賣店嘅水準，真係好味過好多西餐廳，牛脂味十足，食落Juicy唔會乾，配埋菠蘿就更加多一層清爽同甜味，而且仲有其他新鮮蔬菜例如蕃茄，沙律菜同青瓜，令Burger食落唔會太油膩，食材豐富真係令人大滿足。