Video
Read full review
4 day(s) ago
0 views
同朋友經過荃新天地二期，見到炑八推出咗新套餐—-牛胸腹肉配韓式飯饗宴，套餐包含豬牛雞肉、海鮮和韓式飯，照顧到晒好鍾意食牛肉嘅我，同暫時唔可以食太多牛肉嘅朋友，順利成章我哋就決定喺度食晚飯！呢度嘅前菜同以往一樣咁豐富，有提供大大個嘅沙律、仲有勁大球薯蓉。包住燒肉同醬汁一齊食嘅生菜，亦唔使另加錢。✔️牛胸腹肉配韓式飯饗宴 正價$598/會員價$468➖豬五花、牛五花、雞腿肉、八爪魚拼盤一個大拼盤已經有齊晒豬牛雞肉，仲有海鮮和菠蘿、冬菇、雞髀菇等簡單蔬菜。豬五花、牛五花肉都係豬牛身上肥瘦相間嘅部位，俾人感覺唔會太肥膩，但係又有滑嫩感覺。而雞肉取雞腿部份，較肥美，燒後鮮嫩多汁。幾種肉類，分別用秘製醬汁、蔥蒜、梨汁醃製調味。而八爪魚燒後收咗水都仲保持爽彈。➖牛胸腹肉配醬油月見蛋厚薄適中的長塊狀牛胸腹肉上淋有混合芝麻的黑醬油，油脂特別豐富，每次將肉放上燒烤網上面燒，就非常搶火，夾住牛肉喺爐上拖兩拖，牛肉好快熟，而且特別嫩口，個人覺得呢款肉喺幾款肉中最好味！燒完醮上混合咗月見蛋，咸咸甜甜嘅醬油食，更滋味。➖辣章魚五花肉飯/韓式麻藥蛋飯辣章魚五花肉飯非常豐富，因為配有嘅小八爪魚、五花肉片特別多，仲有青紅
✔️牛胸腹肉配韓式飯饗宴 正價$598/會員價$468
➖豬五花、牛五花、雞腿肉、八爪魚拼盤
一個大拼盤已經有齊晒豬牛雞肉，仲有海鮮和菠蘿、冬菇、雞髀菇等簡單蔬菜。豬五花、牛五花肉都係豬牛身上肥瘦相間嘅部位，俾人感覺唔會太肥膩，但係又有滑嫩感覺。而雞肉取雞腿部份，較肥美，燒後鮮嫩多汁。幾種肉類，分別用秘製醬汁、蔥蒜、梨汁醃製調味。而八爪魚燒後收咗水都仲保持爽彈。
➖牛胸腹肉配醬油月見蛋
厚薄適中的長塊狀牛胸腹肉上淋有混合芝麻的黑醬油，油脂特別豐富，每次將肉放上燒烤網上面燒，就非常搶火，夾住牛肉喺爐上拖兩拖，牛肉好快熟，而且特別嫩口，個人覺得呢款肉喺幾款肉中最好味！燒完醮上混合咗月見蛋，咸咸甜甜嘅醬油食，更滋味。
➖辣章魚五花肉飯/韓式麻藥蛋飯辣章魚五花肉飯非常豐富，因為配有嘅小八爪魚、五花肉片特別多，仲有青紅椒、蛋絲青瓜絲，好飽肚。韓式麻藥蛋飯上面有好多紫菜條、糖心蛋，都係一啲好味嘅配料。
✔️Ashahi Sour(藍橙) $78
俾Menu上飲品藍色嘅色調吸引咗，飲品酒味不重，味道幾獨特。
✔️柚子檸檬梳打$38
甜甜酸酸再加埋有汽，好消濟。
Post
