意粉屋 (Closed)

不時都有食意粉屋，通常係晚餐，說也奇怪，下午茶真係一次都未試過。今日行過比門口黑板吸引咗，見到啤酒買一送一，買清楚店員係全無限制，全日供應，咁就同幾個老友啤啤佢。 法式聖誕鵝肝醬拼盤$108叫咗四枝HOEGAARDEN啤酒,除開都係$21/枝，仲用冰杯上檯，抵過去七記飲，但有酒豈能無餚？叫咗個聖誕前菜提早賀聖誕，味道中規中矩，但勝在份量夠款式多。 下午茶配酥皮龍蝦湯$69另外叫咗一份PIZZA加酥皮湯。PIZZA夠熱夠脆，略嫌材料單薄。酥皮做得鬆化鹹香，令平平無奇嘅龍蝦湯即時加分。 喺下午茶時段，堂食客人唔多，環境清靜啱傾偈。如果$200樓下包四枝啤酒加小食拼盤，的確物超所值。