Video
Read full review
2019-06-20
1531 views
之前幫襯開當時係Cubus嘅竹壽司, 但自從相熟壽司師傅離開後就好少去。所以當竹搬到現址時, 佢係我心目中都仲係一間鮨店, 但又忽然間做埋鐵板燒同天婦羅。我一向對呢啲包羅萬有嘅餐廳信心不大。但見餐廳開張做宣傳時其中一個賣點係出身於東京米芝蓮二星Tentenpura Uchitsu嘅原榮作 Eisaku Hara師傅, 我個人一向膚淺信名牌所以最後決心一試, 結果係驚為天人。香港嘅天婦羅店集中係上環, 大概都試過, 幾間都較傳統, 食物唔錯但種類都幾一成不變嘅感覺。自從食過東京嘅Takiya之後, 發覺原來天婦羅加懷石料理又可以有一番新景象, 而呢度就俾到我近似嘅感覺。同傳統天婦羅主要分別係有冷盤或其他非油炸嘅食品, 梅花間竹咁出現係天婦羅之間, 炸爐用綿籽油而唔係麻油, 炸出嚟感覺輕盈好多亦冇咁大油烟味。另外天婦羅除咗平時嘅汁同鹽之外, 頗多件會再有特定調配嘅醬汁。整個用餐過程豐富好多, 而且多咗機會去融入一啲時令材料。 其實第一次去已經係上次十月嘅事, 前後食過三四次。以下幾種最特別同值得推介。 岩蠔, 岩手縣嚟, 炸完都仲係超巨型厚身, 蠔味頗重好Creamy唔會水汪汪, 通常要分
之前幫襯開當時係Cubus嘅竹壽司, 但自從相熟壽司師傅離開後就好少去。所以當竹搬到現址時, 佢係我心目中都仲係一間鮨店, 但又忽然間做埋鐵板燒同天婦羅。我一向對呢啲包羅萬有嘅餐廳信心不大。但見餐廳開張做宣傳時其中一個賣點係出身於東京米芝蓮二星Tentenpura Uchitsu嘅原榮作 Eisaku Hara師傅, 我個人一向膚淺信名牌所以最後決心一試, 結果係驚為天人。
香港嘅天婦羅店集中係上環, 大概都試過, 幾間都較傳統, 食物唔錯但種類都幾一成不變嘅感覺。自從食過東京嘅Takiya之後, 發覺原來天婦羅加懷石料理又可以有一番新景象, 而呢度就俾到我近似嘅感覺。同傳統天婦羅主要分別係有冷盤或其他非油炸嘅食品, 梅花間竹咁出現係天婦羅之間, 炸爐用綿籽油而唔係麻油, 炸出嚟感覺輕盈好多亦冇咁大油烟味。另外天婦羅除咗平時嘅汁同鹽之外, 頗多件會再有特定調配嘅醬汁。整個用餐過程豐富好多, 而且多咗機會去融入一啲時令材料。
其實第一次去已經係上次十月嘅事, 前後食過三四次。以下幾種最特別同值得推介。
岩蠔, 岩手縣嚟, 炸完都仲係超巨型厚身, 蠔味頗重好Creamy唔會水汪汪, 通常要分三四啖先食得完。
蕃薯, 呢個真係手工菜, 鹿兒島嚟嘅, 要先經兩星期時間熟成, 炸之前先蒸六小時, 再上漿炸, Rest之後再炸, 最後加上一片牛油上碟。蕃薯本身已經好香甜, 個質感好似半溶咁但又保留些丁點咬口🤤
宮崎和牛大葉天婦羅 (唔包括係午餐內), 其實簡單配鹽已經好好食。Hara san再配上蛋黃Sukiyaki汁直頭係一絕。後面有BB洋蔥或蘆筍天婦羅做Sidedish。其他食物全都高水準唔一一介紹喇。
最後想提嘅就係Hara san師傅對食物嗰份熱誠, 睇住佢準備菜式時嘅認真同一絲不苟但又樂在其中咁, 離開時又親自送你出門口咁。所以總括食物, 環境, 服務等, 個人認為絕對係全港最佳嘅天婦羅廚師發辦。
車海老 | Kuruma ebi
27 views
0 likes
0 comments
岩蠔 | Oyster
32 views
0 likes
0 comments
岩蠔 | Oyster
17 views
0 likes
0 comments
宮崎牛 | Miyazaki beef
19 views
0 likes
0 comments
蕃薯 | Sweet potato
21 views
0 likes
0 comments
馬糞海胆 | Bafun uni
20 views
0 likes
0 comments
粟米, 秋葵 | Corn & Okra
17 views
0 likes
0 comments
前菜 | Appetizers
13 views
0 likes
0 comments
天茶 | Tencha
16 views
0 likes
0 comments
Post
