Video
Read full review
2021-06-27
790 views
香港有好多高質漢堡店，過江龍，港式嘅為數都唔小，而灣仔，更加係出色漢堡嘅集中地。「Honbo」就係其中一間名聲極響嘅漢堡店。點解佢名聲咁響？全因為佢曾經喺2020年獲得「Bloomberg」列入「全球最佳漢堡」四十二間裡面嘅其中一間，亦係唯一一間香港代表。而國際旅遊網站「Big 7 Travel」發佈嘅「亞洲50間最佳漢堡店」中，佢亦獲得第十三位，所以各大傳媒報道均稱佢為「全港最好味嘅漢堡」。「Honbo」有3間分店，今次我就嚟咗灣仔日街嘅本店。店鋪裝修簡單但幾靚，地方比較細，如果同朋友坐可能坐得逼啲。店鋪裡面牆上面嘅霓虹燈管裝飾點綴咗成間店，幾有特色。🍔餐牌上面有唔同類型嘅漢堡包，朋友分別叫咗「Honbo 1.5($138)」 同「Honbo 2.0($168)」連set ，我就單叫咗招牌「Honbo($98)」。「Honbo」同「Honbo 1.5」，「2.0」唔同就係份量上嘅分別，「Honbo 1.5」同「Honbo 2.0」分別有三塊同四塊兩安士嘅漢堡扒，亦有「雙重」同「三重」芝士。佢哋嘅漢堡扒牛肉係由美國入口，用咗七成美國USDA Prime牛肩脊同牛肋條再混合三成本地新鮮牛
「Honbo」就係其中一間名聲極響嘅漢堡店。點解佢名聲咁響？全因為佢曾經喺2020年獲得「Bloomberg」列入「全球最佳漢堡」四十二間裡面嘅其中一間，亦係唯一一間香港代表。而國際旅遊網站「Big 7 Travel」發佈嘅「亞洲50間最佳漢堡店」中，佢亦獲得第十三位，所以各大傳媒報道均稱佢為「全港最好味嘅漢堡」。
「Honbo」有3間分店，今次我就嚟咗灣仔日街嘅本店。店鋪裝修簡單但幾靚，地方比較細，如果同朋友坐可能坐得逼啲。店鋪裡面牆上面嘅霓虹燈管裝飾點綴咗成間店，幾有特色。
🍔餐牌上面有唔同類型嘅漢堡包，朋友分別叫咗「Honbo 1.5($138)」 同「Honbo 2.0($168)」連set ，我就單叫咗招牌「Honbo($98)」。「Honbo」同「Honbo 1.5」，「2.0」唔同就係份量上嘅分別，「Honbo 1.5」同「Honbo 2.0」分別有三塊同四塊兩安士嘅漢堡扒，亦有「雙重」同「三重」芝士。
Honbo
20 views
0 likes
0 comments
佢哋嘅漢堡扒牛肉係由美國入口，用咗七成美國USDA Prime牛肩脊同牛肋條再混合三成本地新鮮牛腩製成。牛肉食落好有咬口，好有口感，明顯見到一粒粒肉，亦好嫩，生熟程度係剛好，配埋流出嚟嘅芝士，非常好味👍🏻
但對我而言，佢個包先係最驚喜嘅地方。好多地方嘅包都做得比較普通，但呢度做得非常有誠意。佢係以薯粉同牛奶去做嘅湯種麵包，食落非常香軟，厚薄程度亦係足夠。同其他漢堡店最唔同嘅係佢無加蕃茄片，據聞係因為唔希望蕃茄嘅水份會整濕個包，所以如果好喜歡漢堡裡面有蕃茄嘅朋友就未必適合。
Honbo 配Cheese Fries
$98
27 views
0 likes
0 comments
🍟而朋友點嘅set，分別有Sweet Potato Fries，Cheese Fries同Chilli fries，薯條食落好脆口乾身，Cheese Fries啲芝士更加係非常澎湃，食到底仍然有芝士。而蕃薯條就真係自帶甜味，唔需要點醬汁亦可。Chilli Fries就真係非常大盤，如果食完個包再食就略嫌太多，想試可以同朋友share一份最好，但味道則偏鹹，較重口味。
Honbo 1.5 配Sweet Potato Fries
$138
32 views
0 likes
0 comments
Honbo 2.0 配Chilli Fries
37 views
0 likes
0 comments
Honbo係一間絕對會令我留低深刻印象嘅漢堡店，因為佢係食物材料同埋細節上都同出面嘅漢堡店唔同，由麵包到漢堡扒都有佢獨有嘅特色同埋做法，整體味道亦係中上的，所以推薦如果喜歡食漢堡嘅朋友非常值得一試。
Post
