Video
Read full review
2020-04-05
3324 views
作為一個片皮鴨控，好慶幸可以食到欣圖軒既片皮鴨。食過Mott 32(32公館）、其他連鎖式既，如大都鴨子、美中鴨子、北京老家、家傳滬曉、羲和雅苑⋯ 佢係繼嘉里酒店入面紅糖既片皮鴨，成為左我心目中最好食既片皮鴨！一入到去 服務同環境都係令我兩喜上眉梢即使侍應知道我地對飲茶唔太了解都好樂意介紹又不斷提醒我地片皮鴨份量較多唔需要再額外多加食物服務非常體貼同值得一讚！當日係被安排坐窗邊！事先預約左一隻片皮鴨（記得要提早一日預約呀！）點左一壺佢地推介既茶（唔記得左個名）但都的確可以為我地食片皮鴨消膩。先送左個前菜 清新 可以clear palette然後就上左依個九格 不同配搭既片皮鴨配菜好喜歡左下既菠蘿條從來無係其他鋪頭配過菠蘿食但菠蘿既酸同佢既juicy正正好好配襯到片皮鴨既膩！非常不錯！柚子平時都好少見 但我同老公都唔鍾意依個配搭⋯而右下既自家醃青瓜 我都好喜歡！醬料方面都係平時點既海鮮醬都好足夠隻鴨相當肥美同大隻佢會係片皮之前放枱俾你影相又一貼心既安排！然後佢就會係你側邊幫你片最特別：而我係其他酒店都好似無見到咁既安排佢有塊鐵板去暖住片左既皮 去保持佢既熱！好貼心既安排！貪心既人既食法！
食過Mott 32(32公館）、其他連鎖式既，如大都鴨子、美中鴨子、北京老家、家傳滬曉、羲和雅苑⋯ 佢係繼嘉里酒店入面紅糖既片皮鴨，成為左我心目中最好食既片皮鴨！
一入到去 服務同環境都係令我兩喜上眉梢
即使侍應知道我地對飲茶唔太了解
都好樂意介紹
又不斷提醒我地片皮鴨份量較多
唔需要再額外多加食物
服務非常體貼同值得一讚！
當日係被安排坐窗邊！
事先預約左一隻片皮鴨（記得要提早一日預約呀！）
點左一壺佢地推介既茶（唔記得左個名）但都的確可以為我地食片皮鴨消膩。
先送左個前菜 清新 可以clear palette
然後就上左依個九格 不同配搭既片皮鴨配菜
好喜歡左下既菠蘿條
從來無係其他鋪頭配過菠蘿食
但菠蘿既酸同佢既juicy正正好好配襯到片皮鴨既膩！非常不錯！
柚子平時都好少見 但我同老公都唔鍾意依個配搭⋯
而右下既自家醃青瓜 我都好喜歡！
醬料方面都係平時點既海鮮醬都好足夠
隻鴨相當肥美同大隻
佢會係片皮之前放枱俾你影相
又一貼心既安排！
然後佢就會係你側邊幫你片
最特別：而我係其他酒店都好似無見到咁既安排
佢有塊鐵板去暖住片左既皮 去保持佢既熱！
好貼心既安排！
貪心既人既食法！
佢會放兩塊俾你食 慢慢 serve 等你唔會狼吞虎嚥！
見你食完 佢又會再上俾你 所以佢地一直貼心既安排 令到我地都有賓至如歸既感覺！
鴨既第二味 係生菜包 比較濃味但唔係唔好食
反之依個就係比較失色
因為其實食完兩味都已經好油好滯
佢地推介既依個腐皮卷包鴨肉
令我地食左一舊之後 滯到呆埋
所以下次可能要湯就算數
打包左成條番屋企食⋯
因為個日係慶祝生日
所以仲有後面好fancy 有乾冰上既壽包
佢仲會俾你揭起個蓋
幾特別架
壽包都係一如既往既味道
我本人就鍾意食壽包既！
佢仲送左依個甜品rack其實已經好飽
食左粒朱古力同埋試左半舊糯米糍咁
不過覺得好似放左好耐咁？味道唔太好/特別
其實我都幾滿意今餐飯
佢仲有折
又有派飲食卷
所以都幾想係佢裝修/改名前 食多一次。
今時今日，有咁既服務同質素既餐廳，
係香港真係買少見少。
希望佢裝修完，都會有一樣咁好既服務同食物質素啦！
Post
