亞參星馬美食店

Open Now

Now Closed

經過西營盤，落車見到呢間細細嘅店。見到呢間店老闆嘅背影，就決定入去試下。門口見到餐牌，有四樣唔同既菜式，包括沙嗲米線，海南雞飯，喇沙米線同青咖喱龍脷樓飯。入到去，得兩張好細嘅枱，同四張櫈。我叫左海南雞飯，而我女朋友叫左喇沙米線，等個陣好多巴士經過，好嘈，但老闆好似與世隔絕咁響自己一個安靜嘅小角落煮飯。終於等到上菜，桌面有三色醬，海南雞，一碗雞油飯。碗雞油飯一食落去，我即刻決定上黎打一篇食評。碗雞油飯，啲飯好香，口感好柔軟。到我試下海南雞，我點晒三隻醬。海南雞無骨，口感好滑，好香！香港好難搵到啲咁好食嘅海南雞飯！到喇沙，喇沙無味精，湯底好濃，佢個蝦亦都好新鮮！米線口感唔錯。極力推薦！由於太好食，無影相～ 下次食再補圖！