西宮 (Closed)

五一長假期前夕與同事聚餐，用團購優惠購買每位$248，主要自助餐型式，仲有放題同火鍋叫添。這個價仲有生蠔、青口、翡翠螺都幾抵。大大隻生蠔，無乜海水味，所以麻麻地食咗三隻。西式有哈蜜瓜乾火腿乾，哈蜜瓜鮮甜，但是火腿乾好鞋好硬，好求其。cheap cheap 嗰啲貨色。鮮蝦有煎的、凍食的，有刺身，好味，但叫的赤蝦刺身就肉質較冧，不夠新鮮。蟹柳壽司、鰻魚壽司、魷魚壽司一般。鮮蝦冷麵唔錯，熱食的湯拉麵好彈牙湯夠熱，但肥牛就勒咗啲，無咩牛肉味。三文魚刺身一般，象拔蚌刺身有啲腥。燒物有燒菠蘿，燒的時間不夠，如果有小小焦焦的就好了。燒全隻鷄翼好蜜味脆皮又熱辣辣，好好味。燒牛舌尚可，不蘇。燒粟米同漢堡豬柳都好食。又有日式蟹子沙律，有啲沙，麻麻地。甜品有牛奶布甸我無吃同事話好食食咗兩杯。有雀巢雪糕：蓮花杯雪條紅豆冰同朱古力樂，仲有罐裝汽水任飲。食咗四小時，飽飽的回家去，不過下次未必會再來，因為熱食款式唔多。