Video
Read full review
2023-01-14
159 views
🤍USHIDOKI🖤中環皇后大道中48號萬年大廈1樓2A號舖📍今次係中環試咗由日籍廚師，以廚師發辦形式烹調既和牛懷石料理，餐廳主打日本鹿兒島小田和牛，係全港獨家供應！餐廳只設吧檯，令到客人可以全程欣賞廚師烹調既過程。店員會係上每度菜時進行詳細介紹，非常細心。Appetizer廚師以薄嫩既和牛伴上燒帆立貝，底下加上昆布海帶同蓮藕蓉醬汁，當中和牛綴上柚皮碎，作為前菜非常開胃。Zatsuki奉上和牛牛舌湯以鹿兒島小田和牛骨同雞骨熬製而成，味道清甜零油膩感，再灑上菊花花瓣同雪蟹令到湯底更顯清香。另外配上和牛壽司，廚師即場係面前用炭炙和牛上，其後再伴上紅酒蘋果醬汁，店員比左濕紙巾建議我哋用手食，食落會更別具風味。Mukouzuke燻製海膽和牛他他以玻璃碗呈上，揭蓋後會有煙燻效果。面頭嘅魚子醬令到口感更加昇華，亦可以用旁邊既紫菜天婦羅沾嚟食。Warm dish和牛壽喜煮既壽喜汁為開業時熬煮至今，味道香濃，廚師接著會係我哋面前刨落黑松露片，非常奢華！當食完後剩下既壽喜煮汁，亦可淋落旁邊嘅黑松露白飯繼續享用，絕不浪費。Hashiyasume食咗幾道菜後，餐廳會奉上柚子沙冰清一清味蕾，再品嚐之後嘅菜單，
🖤中環皇后大道中48號萬年大廈1樓2A號舖
📍今次係中環試咗由日籍廚師，以廚師發辦形式烹調既和牛懷石料理，餐廳主打日本鹿兒島小田和牛，係全港獨家供應！餐廳只設吧檯，令到客人可以全程欣賞廚師烹調既過程。店員會係上每度菜時進行詳細介紹，非常細心。
Appetizer
廚師以薄嫩既和牛伴上燒帆立貝，底下加上昆布海帶同蓮藕蓉醬汁，當中和牛綴上柚皮碎，作為前菜非常開胃。
Zatsuki
奉上和牛牛舌湯以鹿兒島小田和牛骨同雞骨熬製而成，味道清甜零油膩感，再灑上菊花花瓣同雪蟹令到湯底更顯清香。
另外配上和牛壽司，廚師即場係面前用炭炙和牛上，其後再伴上紅酒蘋果醬汁，店員比左濕紙巾建議我哋用手食，食落會更別具風味。
Mukouzuke
燻製海膽和牛他他以玻璃碗呈上，揭蓋後會有煙燻效果。面頭嘅魚子醬令到口感更加昇華，亦可以用旁邊既紫菜天婦羅沾嚟食。
Warm dish
和牛壽喜煮既壽喜汁為開業時熬煮至今，味道香濃，廚師接著會係我哋面前刨落黑松露片，非常奢華！
當食完後剩下既壽喜煮汁，亦可淋落旁邊嘅黑松露白飯繼續享用，絕不浪費。
Hashiyasume
食咗幾道菜後，餐廳會奉上柚子沙冰清一清味蕾，再品嚐之後嘅菜單，安排好貼心！
Nigiri
海苔卷夾住三文魚子、和牛及爽脆既潰物，一次過放入口中，口感豐富，鮮甜又帶上魚籽鹹香，配搭得非常好。
Shiizakana
吉列西冷和牛三文治分別配上海膽同魚子醬，為咗沖洗味蕾，餐廳配上一條紫色嘅甘露子，令我哋更加可以享受到兩款唔同嘅鮮味。
Yakimono
燒和牛西冷除了用上和牛、炸鵝肝、芋頭等不同食材，亦加上炸蕎麥麵、艾草同爆谷，希望製造一個大雪飛紛的境意。和牛肉質鮮嫩，享用時灑上青檸汁令感覺更為清新，其他配料為整道菜增添更多層次。
Shokuji
最後一道主菜為牛肉稻庭烏冬，粉嫩既半生熟和牛片仍呈現霜降油花，浸落清澈既牛肉清湯，入口細膩，極顯牛肉香味。
Mizugashi
為解甜膩感，餐廳特意先為我哋換上綠茶。甜品為抹茶布丁配上栗子蓉雪糕，抹茶布丁幼滑甘甜，另外加上我最鍾意嘅栗子蓉海鹽雪糕甜而不膩，真係非常完美嘅結尾～
Post
