倫敦大酒樓

Open Now

Now Closed

前晚去左男朋友公司的週年聚餐，地點係旺角一間比較耐歷史的酒樓食飯，叫倫敦大酒樓。入到去酒樓，果然有種傳統風味，裝修台椅都比較舊式。全晚上左10菜，其中有3道菜真係要推薦比大家食。第一道係紅燒乳豬全體，乳豬外皮燒得非常鬆脆，肉質有口感，唔會無肉食，得塊皮，再加上點乳豬的白砂糖同蠔油，好有經典味。第二道係大蝦炒西蘭花配脆果，當中的蝦真係好大隻，唔會細細粒，好有口感。西蘭花又唔會炒得太咸，配上大蝦可以令蝦的鮮甜味更突出。第三道菜係生菜毛瓜配元貝，佢地會將生菜做底，配上醬汁，上面再鋪上一個個毛瓜，而毛瓜中心會放入一粒大元貝，好鮮味。有時候，傳統真的有傳統的風味，夠特別。