Video
Read full review
2018-08-26
213 views
外國鬼仔同事出差過嚟，放工梗係去Happy Hour啦。佢話蘭桂坊已去過無數次，上次去仲有啲不快回憶(似係Yo唔到女)，想轉吓地方喎。今次就同佢轉戰「公民廣場」，唔係圍晒板唔俾巿民集會嗰個公民廣場，而係九龍站嘅圓方3樓平台 — 酒吧餐廳林立嘅civic square。一上到去就感受到好熱鬧嘅氣氛，企喺圓形嘅平台上，俾餐廳酒吧包圍住，中間有個噴水池，環境比蘭桂芳靚得多，仲望到維港景色，杯觥交錯，好多酒客已經酒酣耳熱，同蘭桂芳一樣都好多外國人。鬼仔就雙眼放光，仲未食嘢嘅我就拉住佢直奔 McSorley’s，有朋友話嚟食過牛扒，好正咁喎～餐廳有兩層，有大大個發酵酒桶裝飾，好有酒吧氣氛，氣氛同室外同樣熱鬧，放工嚟到真係身心愉快。【海鹽黑椒酥炸魷魚$138】頭盤先嚟個小食，份量都多，切到細細條容易食。餐牌寫係calamari唔係squid，鬼仔話calamari比squid係貴啲同埋柔軟啲喎；食落又真係啱啱好嘅煙韌度，唔怕𡁻到牙骹軟；味道亦都適中，唔會多咗海鹽過鹹，我仲落咗啲青檸汁更惹味，唯一缺點係唔夠熱，炸出嚟要出晒煙先夠香口嘛。【海鮮周打濃湯$85】成碗湯都滿晒材料 - 龍蝦肉、大蝦肉、蜆肉
今次就同佢轉戰「公民廣場」，唔係圍晒板唔俾巿民集會嗰個公民廣場，而係九龍站嘅圓方3樓平台 — 酒吧餐廳林立嘅civic square。一上到去就感受到好熱鬧嘅氣氛，企喺圓形嘅平台上，俾餐廳酒吧包圍住，中間有個噴水池，環境比蘭桂芳靚得多，仲望到維港景色，杯觥交錯，好多酒客已經酒酣耳熱，同蘭桂芳一樣都好多外國人。鬼仔就雙眼放光，仲未食嘢嘅我就拉住佢直奔 McSorley’s，有朋友話嚟食過牛扒，好正咁喎～
餐廳有兩層，有大大個發酵酒桶裝飾，好有酒吧氣氛，氣氛同室外同樣熱鬧，放工嚟到真係身心愉快。
【海鹽黑椒酥炸魷魚$138】
頭盤先嚟個小食，份量都多，切到細細條容易食。餐牌寫係calamari唔係squid，鬼仔話calamari比squid係貴啲同埋柔軟啲喎；食落又真係啱啱好嘅煙韌度，唔怕𡁻到牙骹軟；味道亦都適中，唔會多咗海鹽過鹹，我仲落咗啲青檸汁更惹味，唯一缺點係唔夠熱，炸出嚟要出晒煙先夠香口嘛。
【海鮮周打濃湯$85】
成碗湯都滿晒材料 - 龍蝦肉、大蝦肉、蜆肉、三文魚同薯仔，每一啖都食到有料。真係好彩只係叫咗一碗湯，原來咁鬼大碗，而且濃湯真係夠濃稠，再加上多料，胃口比較細嘅留意，分分鐘飲完個湯飽咗一半。性價比高，必點。
【香草煎大西洋三文魚$248】三文魚上滿滿綠綠嘅香草，氣味相當清新；三文魚皮亦煎到脆脆咁，而最正嘅係魚肉好滑亦好juicy，配檸檬牛油汁就更開胃嫩滑。配菜係烤雜菜，少少烤焦味，正～
【美國頂級12安士肉眼扒$418】主角登場啦！肉眼扒深深嘅格仔烤紋，上面係大片黑松露牛油。本身塊肉眼扒油脂已經相當豐富，搽埋牛油食就油香味倍增，咁都不突止，仲可以蘸埋Tarragon sauce，creamy之餘會再進一步帶出油香味。肉眼扒肉質亦好鮮嫩，鬼仔食完都大讚。配菜係熱辣辣嘅薯條，成碟都好邪惡但又真係欲罷不能⋯⋯
飽餐一頓，「公民廣場」熱鬧依然，識趣嘅我就同佢分道揚鑣，唔阻佢搵食啦。
Post
