日和号壽司料理 (Closed)

今日逃工帶小魔怪黎megabox 睇戲行街，9樓係餐廳集中地，五花百門無從入手。小魔怪比門口個兒童餐吸引眼球，好啦入去試下，門口望入去見到有架日本巴士咁既一排位置，侍應表示門口有位可坐，但小魔怪非坐入面不可，好啦，等一陣有位，點餐先知原來平日無兒童餐，唔怕，轉戰壽司烏冬一樣啦。點左一個刺身，壽司定食（包一個牛肉烏冬），再點多一份三文魚刺身比小魔怪。等左一陣就有野食啦，三文魚刺身有三塊厚切新鮮無冰。定食刺身有劍魚腩2片，三文魚超厚身2片，一大隻赤海蝦。大滿足壽司有三文魚壽司，北寄貝壽司，越南蝦壽司，兩片玉子，一個中華沙律小食同埋兩大件鰻魚卷。小魔怪最欣賞中華沙律。唔大食既以上配搭夠晒一大一細食