日和号壽司料理 (Closed)

對於餐廳名<日和號>已經好有好感😊，餐廳裏面真係佈置到好似有架列車，當日有小朋友放學同父母嚟食壽司見到個日和號車頭好興奮!! 我就完全係俾佢嘅半價刺身壽司吸引到，食物質素比我想像中好，初頭仲有少少擔心半價會麻麻哋!! 🔘壽司 🍣 六吋長三文魚最有驚喜，半價左之後$19真係非常抵， 我有少少懷疑佢長過六吋😆，仲要係好食嘅三文魚，非常推介!! 跟住吉列蝦同吉列蠔都好食，係啱啱炸好，隻蝦好彈牙都大隻!! 火炙左口魚邊，鍾意魚油香嘅唔可以錯過!!仲有其他壽司都幾好味-鰻魚、柚子胡椒帆立貝、蟹棒、稻荷蟹子沙律!! 🔘刺身🐟 刺身件件厚切，最鍾意三文魚腩，好肥美肉質細嫩，有豐富嘅油質!! 帶子同海老好鮮甜，質素唔錯!! 油甘魚就比較一般，有少少腥!!🔘軍艦 🍣 紫菜係超級脆，證明真係即叫即整!!香蔥吞拿魚腩碎好香口有魚油香，加上芝麻粒同香蔥好食!! 海膽份量唔算多，但勝在質素幾好鮮甜!! 芥辣八爪魚入口幾攻鼻，刺激下味雷!! 🔘小食 🐙 得呢個小食係半價咋，章魚小丸子有四粒，熱辣辣外脆內軟!! 🔘飲品 🍹 藍柑桔梳打，發現我特別中意order藍色嘅飲品，好飲影相又靚!! 😊最後提