蘭桂坊車仔麵 (Closed)

同朋友happy hour 完見有少少餓，就走左過隔離間蘭桂芳車仔麵到醫下肚。太耐冇落過去都唔知開左間車仔麵，個位置又開得幾好，飲完行二步就食得。價錢係中環真係平到喊，好過要行咁遠去去翠x食。佢都幾多選擇，我就飲到頂頂地叫左菜底加魚腐，蘿蔔，五花腩，再叫左幾個小食share.唔知關唔關飲完酒時，特別開胃同覺得好好食。我揀左麻辣汁，個味道就有d似食麻辣燙咁。蘿蔔好夠味同好腍，魚腐亦都係魚肉較多個款，有d餐廳魚腐真係唔得，呢間有咬口又唔會好粉。另外一定要叫五花腩，佢真係好似韓燒個種，飲完酒最鍾意食肥野🙊小食方面椒鹽燒賣一定要叫，好好食，佢有少少炸燒賣感覺，外面好肥，有少少乾食但唔係難食個種，入面仲係好軟熟，再加上出面椒鹽粉，好好食👍🏻1000000個贊👍🏻其他雞軟骨都唔錯，呢間小店咁多食物都好有水準，價錢平，味道好，酒前酒後醫肚好地方。