櫻花日本料理 (Closed)

本身過黎諗住食壽司，見到呢度都有鐵板燒，既然係甘就要試下啦，餐廳內仲設有壽司吧、雅座、日式貴賓房添，隨後我地簡左個伊勢海老鐵板燒套餐。🥢先黎鱈魚片，燒到焦香，魚香味十足 。🥢前菜左邊既昆布入口軟滑微酸，中間係魚子海帶，第一次食非常爽口，右邊既岩石蛋外型討喜，連同黑松露食香味十足。🥢刺身三點賣相漂亮，金目鯛鮮豔深紅色，肉質細緻鮮美。帶子鮮中帶青檸味，牡丹蝦肉甜，細綿帶爽。🥢鵝肝前既過程非常香，擺碟仲砌成心型，連埋生果汁、新鮮水果食，減少油膩感，又唔會搶左鵝肝本身既味道。🥢金鯛 外皮炸到酥酥脆脆，內裡魚身嫩滑，沾上海膽汁，夠滋味。🥢龍蝦新鮮處理後，再加上龍蝦膏、海膽汁，滲入龍蝦肉之中，鮮味再提升。🥢櫻花蝦 油炸至顏色金黃，金黃酥脆又帶蝦既鮮香味，送做或做零食一流。🥢沙律食到甘上下，再黎多個沙律清下熱氣，清下口腔，車厘茄好甜，沙律菜新鮮，醬汁酸甜開胃。🥄蟹肉麵鼓湯有新鮮蟹肉夠足料，不過個人覺得偏鹹。🥢蒜香白飯魚炒飯蒜香炒飯香噴噴，白飯魚仔亦含豐富鈣質，加上飯量超多，一人一大碗哂飽肚。🍴焦糖多士師傅即場用鐵板整，食落脆卜卜，多一份焦香。🍴水信玄餅像水滴一樣晶瑩剔透，內裡加入左金箔，底下有黑糖漿