薈亞廚房 (Closed)

今日放假，同屋企人出街食晏連shopping。開始shopping前當然要醫下個肚仔。黎到會薈亞廚房，環境都舒服，我地坐左係卡位,見到舖面都大，枱與枱之間都闊落。我地叫左個泰式豬手飯，海南雞飯，香茅雞翼。最後仲加多左個香茅豬扒春卷撈檬粉。泰式豬手飯，汁好香，煮到豬手都淋晒，肉同皮岩岩好，唔太鹹。到海南雞飯，雞油飯香，但可惜雞肉味比較啖，如果唔連飯一齊食，就會差小小。我自己就鐘意食撈檬既，加埋汁，真係超正，不過因為佢餐牌講明辣椒魚露， 我唔食得辣 ，所以好低能咁問 係唔係好辣㗎 ？ 原來佢只係講嗰個魚露汁🤭🤭🤭，所以你地去唔好再問呢個問題喇，因為汁係自己落架🤣🤣🤣