本味食堂 (Closed)

其實幫襯左好多次，依加先黎寫食評 。我鐘意佢豬腸吾肥，蘿蔔清甜冇渣，牛筋軟腍入味，湯底吾係死咸果款，再黎個腩汁。基本上次次都係叫依三樣餸，加$3有凍飲。今次太肚餓所以叫多左山根、豬紅。另外，餐單提供小食，我仲食過炸燒賣（幾好）、韭菜豬紅（普通）、煎釀三寶（普通）、咖喱魷魚豬皮魚蛋（汁吾入味，太稀）。以前比較靜，試過霸哂成間餐廳，依加旺到要搭枱，接住有人想入黎又冇位坐。希望老闆快請到人幫手，睇見佢又落單又執枱又遞餸真忙。