江記粥粉麵茶餐廳 (Closed)

9-9-2014 (Tue)中秋節翌日早上,同男友起身後,男友想快快食早餐,佢就o係o度買早餐返o黎,佢買o左炸兩,腸粉,雪菜肉絲米,凍好立克同凍檸水.我攪掂晒可以食時,男友已經消滅o左半包腸粉,重話係唔俾我食,因為落o左辣醬.咁我自己食晒包炸兩啦,食第一件,竟然凍,凍係凍到好似雪過咁凍,咩事?油炸鬼唔太脆但又未至於韌,食到最後三件係連刀,想點?而兩杯飲品細細杯,凍檸水都幾甜吓,而雪菜肉絲米呢,男友食o左一半俾我,我嗅到好強烈o既雪菜味,覺得會好鹹,但又唔係,鹹淡適中.價錢: 男友唔記得幾錢,我估加埋大約$40.00.抵食係2.5分