Video
Read full review
2009-05-24
23 views
老死生日要幫佢慶祝,梗係我請食飯啦!唉!而家咁既市道梗係要四圍打探下邊間酒店食buffet又平又抵食啦!發現好多酒店都清一色唔係國際美食就係日式自助餐,冇乜新意!呢間萬麗而家做緊澳門葡萄牙美食,都幾特別,而且仲有七折,折實咗二百幾蚊一位,四星酒店來講都幾超值!一於去馬.坐低後發覺佢地餐廳都幾大,但裝修方面就舊咗啲啦!唔緊要,最緊要都係食物(因為食嘢叫嘛)二話不說,一行三人即刻殺出去buffet枱攞嘢食,雖然佢地buffet枱唔係好大,但食物品種都算多,生蠔,魚生,翡翠螺,長腳蟹,法國龍蝦仔,甜蝦同埋瀨尿蝦都有供應,仲有個中式自選湯麵檔,我就整咗碗牛腩麵再加一細碗港式碗仔翅,味道一流!休息咗十分鐘後就再出去博殺過,呢次就試咗好多澳門美食,炸馬介休球,蝦仔角都好好口感同外皮炸得好脆,燴牛尾炆得好淋,烤原條沙甸魚都好特別,我攞咗一條同朋友share來食,好野味!仲有試咗葡國海鮮飯,感覺上同意大利燴飯差唔多,不過因為有廚師現場即煮,所以感覺好新鮮,啲飯吸咗啲海鮮湯後好鮮甜.雖然佢地有個攞得好靚既冷盤沙律counter,但本人對沙律冇乜興趣,而且仲要留力食甜品,所以冇乜試到啲冷盤同生蠔.終於到食
唉!而家咁既市道梗係要四圍打探下邊間酒店食buffet又平又抵食啦!發現好多酒店都清一色唔係國際美食就係日式自助餐,冇乜新意!呢間萬麗而家做緊澳門葡萄牙美食,都幾特別,而且仲有七折,折實咗二百幾蚊一位,四星酒店來講都幾超值!一於去馬.
坐低後發覺佢地餐廳都幾大,但裝修方面就舊咗啲啦!唔緊要,最緊要都係食物(因為食嘢叫嘛)二話不說,一行三人即刻殺出去buffet枱攞嘢食,雖然佢地buffet枱唔係好大,但食物品種都算多,生蠔,魚生,翡翠螺,長腳蟹,法國龍蝦仔,甜蝦同埋瀨尿蝦都有供應,仲有個中式自選湯麵檔,我就整咗碗牛腩麵再加一細碗港式碗仔翅,味道一流!
休息咗十分鐘後就再出去博殺過,呢次就試咗好多澳門美食,炸馬介休球,蝦仔角都好好口感同外皮炸得好脆,燴牛尾炆得好淋,烤原條沙甸魚都好特別,我攞咗一條同朋友share來食,好野味!仲有試咗葡國海鮮飯,感覺上同意大利燴飯差唔多,不過因為有廚師現場即煮,所以感覺好新鮮,啲飯吸咗啲海鮮湯後好鮮甜.
雖然佢地有個攞得好靚既冷盤沙律counter,但本人對沙律冇乜興趣,而且仲要留力食甜品,所以冇乜試到啲冷盤同生蠔.終於到食甜品既時候,嘩!好多好靚既甜品呀!第一時間整隻葡撻先,外皮好脆!,同港式蛋撻唔一樣,佢冇咁甜同埋外皮係酥皮做,所以特別脆!而且size亦冇蛋撻咁大,食完仲有大把位試其他甜品.成日聽人講木槺布甸好味,自己終於點解啦!好特別而且好好味,真係唔知點形容好,要試過先會知.唯一係冇HAGGEN-DAZS雪榚而係用其它牌子既雪榚.睇到之前有位食家彈到佢地一文不值!可能每個人既喜好同口味都唔同呱!要睇啲食物啱唔啱自己口味,不過我地一行三人都覺得幾好,咁既價錢(講緊同其它四星酒店比)算係幾超值架啦!可能依家市道唔好,每個人駛錢都特別小心,要用最小既 $ 去換取最大享受!
食到中段忽然有位待應比幾杯橙汁我地,原來係每人包一杯食品,呢部份就有小小減分,應該一坐低就即刻比我地啦!總括來講算係抵食啦!
Post