Video
Read full review
2014-01-17
2294 views
阿姐話呢喥嘅上海菜好正宗, 所以帶我哋幾個嚟品嚐 ^^ 酒家嘅感覺好懷舊, 亦令人有種置身國內嘅感覺~ 雖然係酒店中菜, 但毫無奢華之感!一行四人, 點咗個四人套餐!先登場嘅係 "家鄉咸雞", 呢個冷盤做得幾好~ 味道夠, 唔會過鹹, 同埋雞皮夠爽, 唔會覺得肥膩!接著出場嘅係 "美味燻魚", 名符其實又真係幾美味 (≧∇≦) 甜甜哋, 好醒胃~點心方面, 我哋點咗 "南翔小籠包", 皮唔算好薄, 但勝在肉汁夠多, 食落都好好味!至於小菜方面呢, 先嚟一號 "毛菜麵筋煲", 呢味菜好特別, 啲麵筋球做得好好, 好睇又好食, 絕對唔係平時打邊爐嘅貨色 ^^ 再嚟小菜二號係 "回鍋肉包餅", 食法有啲似片皮鴨, 不過係用餅皮包住回鍋肉。其實呢個食法好聰明, 令到回鍋肉冇咁油, 食多幾件都唔怕! 但略嫌餅皮唔足夠… 食咗半碟肉已經食哂…麵飯方面, 我哋點咗 "齊菜筍絲炒年糕", 驟眼望, 呢個炒年糕好似好清淡, 但實質上又好夠味! 另外, 我哋額外點咗個 " 招牌生煎包", 包底真係煎得好香, 而且個餡都好好食 ^^因為篇幅關係, 上載唔到個湯 "老雞翅頭湯", 同埋甜品 "蕃薯糖水"… 呢
酒家嘅感覺好懷舊, 亦令人有種置身國內嘅感覺~ 雖然係酒店中菜, 但毫無奢華之感!
一行四人, 點咗個四人套餐!
先登場嘅係 "家鄉咸雞", 呢個冷盤做得幾好~ 味道夠, 唔會過鹹, 同埋雞皮夠爽, 唔會覺得肥膩!
接著出場嘅係 "美味燻魚", 名符其實又真係幾美味 (≧∇≦) 甜甜哋, 好醒胃~
點心方面, 我哋點咗 "南翔小籠包", 皮唔算好薄, 但勝在肉汁夠多, 食落都好好味!
至於小菜方面呢, 先嚟一號 "毛菜麵筋煲", 呢味菜好特別, 啲麵筋球做得好好, 好睇又好食, 絕對唔係平時打邊爐嘅貨色 ^^
再嚟小菜二號係 "回鍋肉包餅", 食法有啲似片皮鴨, 不過係用餅皮包住回鍋肉。其實呢個食法好聰明, 令到回鍋肉冇咁油, 食多幾件都唔怕! 但略嫌餅皮唔足夠… 食咗半碟肉已經食哂…
麵飯方面, 我哋點咗 "齊菜筍絲炒年糕", 驟眼望, 呢個炒年糕好似好清淡, 但實質上又好夠味!
另外, 我哋額外點咗個 " 招牌生煎包", 包底真係煎得好香, 而且個餡都好好食 ^^
因為篇幅關係, 上載唔到個湯 "老雞翅頭湯", 同埋甜品 "蕃薯糖水"… 呢兩個都中規中矩~呢喥嘅美食, 同酒家嘅外觀都一樣係其貌不揚, 但係就好有內涵~ 真係連菜不可以貌相!! (≧∇≦)
Post
