養心殿台式養生鍋 (Closed)

又黎食呢間好出名既養心殿台式養心火鍋，一入到去，有種懷舊既氣氛，裝修精緻。上次試左美人鍋，今次一於試下寧神養心鍋，個鍋好大鍋，先飲左湯先再打邊爐，d湯非常香甜，入面仲有好大隻雞同魚。d雞好香好滑，跟湯飲好好味。其實食完d雞同魚都已經飽飽地，個湯底入面好足料，絕對值168元。飲完湯就打邊爐，叫左極上雪花肥牛，蟹籽墨魚滑，響鈴同菜。極上雪花肥牛，入口牛肉味濃郁。墨魚滑十分彈牙及鮮甜。最後叫左個寬粉條，口感好特別，出面食唔到，黎到養心殿一定要試呢個。