南本草 (Closed)

Cafe去得多，但係以涼茶作主題既就真係未聽過，夠曬創新🤩餐廳無論係甜品、食物、飲品都貫徹無負擔既風格。唔單止打卡一流，食物夠曬特別，味道都唔錯～值得一試😌  1⃣️養生腐皮福袋烏冬（$72） 第一次食福袋烏冬😍對我黎講好吸引✨一上枱係以大個腐皮福袋，湯底望落清澈。飲落湯底夠清甜，烏冬係戳穿腐皮之後就會見到。入面仲有啲杞子、蟲草花，夠曬養生。腐皮吸曬湯底精華，另外烏冬都幾彈牙👍  2⃣️火麻仁拿鐵（$55） 最想就係試呢個。本身我個人唔鍾意飲涼茶，但係見到啲人話佢飲落似黑芝麻味，我又鍾意芝麻味，一於去試下！比到驚喜我wor😳真係有啲似芝麻味，就算係我呢啲平時唔飲涼茶既人都覺得幾好飲～另外仲有配粒nut，細節位都有心機。飲完杯底中會見到隨機字句，好有意思～