養心殿台式養生鍋 (Closed)

今日係爺爺嘅生日，我地特登約咗養心殿同佢慶祝，等佢開心下。呢度係佢唯一讚過嘅餐廳，所以就揀咗呢度，希望佢鐘意呢！我地叫咗個美人鍋同養生鍋，各有各特色。左邊就係養生鍋，係用咗好多唔同嘅藥材同埋人參，所以好重藥材味。而右邊嘅係美人鍋，係有原隻烏雞係入面，所以好香雞味。我哋仲叫咗粟米，呢度嘅粟米唔知點解味道特別甜，而且仲好爽口。呢個就係鹽酥雞，佢炸得好香脆，而且粒粒分明，令到人停唔到口，所以係等個煲滾嘅時候最好就係叫佢。總括嚟講，呢一餐飯佢食得好開心，環境又大又古色古香，睇得出裝修落咗好多心機，食物質素都好好。