養心殿台式養生鍋 (Closed)

今年立秋後第一次打邊爐,選擇左台灣好Hit嘅養生火鍋。選擇湯底是已經令我有選擇困難症,每款湯底都有唔同養生功效,款款湯底都想試。由於朋友仔想食麻辣火鍋,所以鴛鴦湯底其中一款就選擇左台式麻辣湯底,香料非常之足夠而且亦有麻辣香,仲額外送一份鴨血。另一款湯底我選擇左寧神養心鍋,依款湯底非常滋補,用左鮮魚同烏雞加上藥材煮製而成,非常鮮甜,正式開餐前我都飲左兩碗。一個拼盤可以一次過試晒六款手工丸,有鵝肝墨魚丸,黑松露蝦丸,芝士牛肉丸,梅菜豬肉丸,墨魚丸同蝦丸。我最鍾意嘅就係黑松露蝦丸,黑松露香氣突出,食完齒頰留香。酒香白肉係比較少見嘅肉類選擇,經過酒浸嘅豬腩肉,食落滲出淡淡酒香。日本山藥水份高,食落細嫩。用嚟打邊爐都相當唔錯。脂肪同肉嘅比例啱啱好,食落非常嫩滑,而且重肉味。