Video
Read full review
2017-10-24
190 views
一向都唔係好鐘意打邊爐既媽咪，由佢朋友口中得知呢間主打養生湯底既火鍋店，就嚷著要試，咁我梗係要陪下老人家啦！一去到餐廳已經見到全店都好有中國風既裝修，加上聞到好香藥材湯味，真係好想快d食！黎之前已經search左要咩湯底，我地想一次過試哂養生窩同美人窩，所以就要左鴛鴦窩。仲揀緊配料既時候，湯底已經嚟咗。2個湯底都非常足料，就咁飲都已經好正！美人鍋個邊係烏雞湯，有原隻烏雞，仲有充滿膠質既桃膠，湯底好清，食完都真係覺得自己靚左呀！而養生窩係人參湯，入面有大量人參，比較重味。最欣賞佢係湯入面有d豆腐，索哂d湯！到材料方面，打邊爐點可以冇牛肉呀！我哋要咗一碟極上雪花肥牛，油脂分布好平均，而且充滿牛肉味，碌耐左都唔會好鞋。另外仲叫咗一碟手工丸拼盤，有五款丸，可以每樣試吓味道，最推介係黑松露蝦丸，好彈牙好重黑松露味。仲有要咗碟水耕菜，好新鮮爽脆。最後係必食既寬粉條，佢哋會提供一個籃裝住啲粉條，咁就唔怕跌到落鍋底搵唔翻。粉條碌完之後會變透明，索哂d湯汁，非常推介。埋單之後仲送左甜品，係熱情果沙冰，酸酸地又冰涼，可以refresh下，喂我哋呢餐畫左圓滿句號，媽咪同我都食得好開心！
一去到餐廳已經見到全店都好有中國風既裝修，加上聞到好香藥材湯味，真係好想快d食！
黎之前已經search左要咩湯底，我地想一次過試哂養生窩同美人窩，所以就要左鴛鴦窩。
仲揀緊配料既時候，湯底已經嚟咗。2個湯底都非常足料，就咁飲都已經好正！
美人鍋個邊係烏雞湯，有原隻烏雞，仲有充滿膠質既桃膠，湯底好清，食完都真係覺得自己靚左呀！
而養生窩係人參湯，入面有大量人參，比較重味。最欣賞佢係湯入面有d豆腐，索哂d湯！
到材料方面，打邊爐點可以冇牛肉呀！我哋要咗一碟極上雪花肥牛，油脂分布好平均，而且充滿牛肉味，碌耐左都唔會好鞋。
極上雪花肥牛
15 views
0 likes
0 comments
另外仲叫咗一碟手工丸拼盤，有五款丸，可以每樣試吓味道，最推介係黑松露蝦丸，好彈牙好重黑松露味。
手工丸拼盤
4 views
0 likes
0 comments
仲有要咗碟水耕菜，好新鮮爽脆。
水耕菜
14 views
0 likes
0 comments
最後係必食既寬粉條，佢哋會提供一個籃裝住啲粉條，咁就唔怕跌到落鍋底搵唔翻。粉條碌完之後會變透明，索哂d湯汁，非常推介。
寬粉條
7 views
0 likes
0 comments
埋單之後仲送左甜品，係熱情果沙冰，酸酸地又冰涼，可以refresh下，喂我哋呢餐畫左圓滿句號，媽咪同我都食得好開心！
熱情果沙冰
6 views
0 likes
0 comments
Post
