養心殿台式養生鍋 (Moved) New Location

幾個朋友出黎，打個邊爐真係走唔甩。約咗兩個月嘅好友今晩終於齊腳喇，地點揀喺中心地帶旺角間分店，六點去到冇乜人，走嗰時就見滿晒座。坐低個侍應問我地有冇Like飛卜，話Like咗有飲品送，咁梗係即Like啦喂～靚女嚟架嘛，唔洗諗梗係要試美人鍋啦～睇下湯底原來有桃膠、烏雞、杞子、南棗，睇倒都覺得有美顏作用，滾起飲番幾碗真係唔少得！叫咗碟極上雪花肥牛，顏色勁靚，脂肪分怖啱啱好，入口有即溶感覺，堅正！因爲有朋友唔食牛，所以叫碟梅花豬比佢食，我都試咗塊，好嫩口又幾好食喎～有即炸響鈴呀，唔係唔叫吓化，拖一拖湯會失真，識食梗係就咁食…好鬆脆好好食呀芝士牛肉丸好新鮮，唔係機製嗰種，芝士又唔會搶咗啲肉味喎自家製韮菜餃，啲皮好薄饀料迫爆隻餃咁款，要小心啲夾囉墨魚滑同蝦滑爽口彈牙，唔係粉漿嗰啲，啱晒我口味。其實醬汁調味可以唔洗點，食材新鮮個湯底足料啲嘢食都夠晒味。