Video
Read full review
2019-01-16
116 views
就快臨近農曆新年，又是時候約朋友外出食飯慶祝。記得上個月同好姊妹去咗九龍城打邊爐預祝聖誕，大家都吃得非常滿意，還講好下次出嚟要再去食火鍋，所以今次聚會，就交由好姊妹發辦，揀咗位於太子的「四季文昌」。其實這間以養生椰子雞煲為主打的火鍋店，之前亦曾到訪過，餐廳佔地兩層，店內佈置甚具特色，樓底很高，空間感極強，加上室內的巨型木書架、鎢絲吊燈、雲石餐桌、皮製座椅等，裝潢既年輕又富活力，難怪每晚都有大量捧場客。安座後，先拿起檯上的餐牌細看，咦，多咗個新餐牌？原來因為農曆新年將至，餐廳推出了一系列專為新春而設的火鍋配料及產品。逐一細看，有黃金撈起、招財進寶、豬籠入水、步步高陞、鮑羅萬有….等等，嘩！全部菜名都非常之好意頭，充滿喜慶色彩，反正一場嚟到，就一於點幾款試下。餐前小吃(新年期間限定)先揀一款小食做前菜，選了蜜糖黑椒單骨雞翼 ($52)，雞翼一客有 5 隻，上桌時全部都已經剪成單骨，非常方便食用。挾起一隻試試，雞翼炸至金黃色，面頭伴上香濃的蜜醬和微辛的黑椒，惹味十足，入口帶絲絲甜味但又不減香脆，雞肉鮮嫩多汁，用作餐前小食一流。食完前菜，接著當然輪到吃是晚的主角椰子雞鍋，而今次就揀咗個雙拼：椰
就快臨近農曆新年，又是時候約朋友外出食飯慶祝。記得上個月同好姊妹去咗九龍城打邊爐預祝聖誕，大家都吃得非常滿意，還講好下次出嚟要再去食火鍋，所以今次聚會，就交由好姊妹發辦，揀咗位於太子的「四季文昌」。
其實這間以養生椰子雞煲為主打的火鍋店，之前亦曾到訪過，餐廳佔地兩層，店內佈置甚具特色，樓底很高，空間感極強，加上室內的巨型木書架、鎢絲吊燈、雲石餐桌、皮製座椅等，裝潢既年輕又富活力，難怪每晚都有大量捧場客。
安座後，先拿起檯上的餐牌細看，咦，多咗個新餐牌？原來因為農曆新年將至，餐廳推出了一系列專為新春而設的火鍋配料及產品。逐一細看，有黃金撈起、招財進寶、豬籠入水、步步高陞、鮑羅萬有….等等，嘩！全部菜名都非常之好意頭，充滿喜慶色彩，反正一場嚟到，就一於點幾款試下。
餐前小吃(新年期間限定)
先揀一款小食做前菜，選了蜜糖黑椒單骨雞翼 ($52)，雞翼一客有 5 隻，上桌時全部都已經剪成單骨，非常方便食用。挾起一隻試試，雞翼炸至金黃色，面頭伴上香濃的蜜醬和微辛的黑椒，惹味十足，入口帶絲絲甜味但又不減香脆，雞肉鮮嫩多汁，用作餐前小食一流。
食完前菜，接著當然輪到吃是晚的主角椰子雞鍋，而今次就揀咗個雙拼：椰子文昌雞鍋(半隻)拼玫瑰花牛奶椰子鍋 ($268)，火鍋湯底選用了海南省新鮮椰子肉和椰皇調製，享用時再配合海南特產的文昌雞，而其中一邊湯底更加入咗食用玫瑰花同牛奶。至於食法方面，先將上述湯底在鍋內煮沸，滾起後放入雞件，接著蓋上鍋蓋，然後用店子附上的沙漏計時，以慢火烹煮七分鐘便可食用。 
試咗兩邊不同的湯底，椰子雞湯清甜滋潤，帶椰子的天然鮮香，飲落輕怡不膩；而玫瑰花牛奶湯亦非常香醇，散發著濃郁的奶香和淡雅的的玫瑰花香氣，味道各擅勝場。至於雞件方面，肉質鮮爽有彈性，皮薄少油，雞味很濃，配上椰子湯的清甜，非常滋味。要特別一讚這裡的伴雞醬汁，先在豉油內加入沙薑、辣椒和海南野生青金桔，然後用雞件蘸點來吃，入口清酸芬芳，能提升雞肉鮮味。 
打邊爐又怎能沒有牛肉呢？揀咗一客本地手切牛肉 ($368/大)，碟牛肉非常靚仔，雖然唔算好大片，但光鮮紅潤，而且切得十分工整；油花夠多又不會過肥，紋路清晰可見，入口軟滑柔順又夠肉汁，輕灼幾秒即可送入口。
配料揀咗響徹雲霄(紫菜響鈴) ($48) 同日本直送野菜籃，響鈴即叫即炸，入面包住韓國直送的新鮮紫菜，上桌時每件外形都脹卜卜，咬下每一啖都聽到脆皮的卜卜聲，加上入面夾雜著香味四溢的紫菜，食落特別惹味。
至於日本直送野菜籃 ($68) 亦非常抵食，多種蔬果放滿整整一籃，最喜歡是生菜和青皮南瓜，前者菜味鮮明濃郁、而南瓜吃起來亦夠曬粉糯香甜。
意猶未盡，壓尾決定再來多客鮑羅萬有煲仔飯 ($268)，煲仔飯即叫即煮，熱辣辣上檯，打開蓋後，更即時飄出陣陣飯香。嘩！用料好豐富呀！有肉厚鮮甜的鮑魚、彈牙的海蝦、飽滿的青口同大大隻鮮蠔，份量十足，配上粒粒分明的米飯，令人一見胃口大開。
連新推出的兩款飲品，名字亦意頭十足，取名大紅 ($38)、大紫 ($38)，即紅莓梳打同黑加侖子梳打，充滿新春氣氛。其實餐廳仲有好多款意頭菜，或者可以考慮下同屋企人嚟食團年飯。
Post
