新泰東南亞餐廳 (Closed)

之前聽過幾個朋友介紹過呢間東南亞餐廳今口終於有機會試下，上到餐廳係大堂裝修充滿東南亞風味，室內空間寬闊。最近天氣咁熱同朋友各點一杯飲品消暑解熱，珍多冰椰奶底香又唔太甜，內裏斑蘭啫喱Q彈。龍眼冰係餐廳推介，龍眼肉大大粒清甜。東南亞菜必點既串燒沙嗲$78(半打)價錢抵食。平時最怕肉質燒到好乾好難由竹籤咬開串燒肉但呢一份串燒串燒外層微焦得黎唔會好乾又易咬開，滿意👍🏻軟殼蟹米紙卷又有芒果同牛油果，清爽得黎又健康，好適合咁熱無咩胃口既天氣，一啖一舊啱啱好。天氣太熱胃口唔太大最後就點多一款主菜胡椒大蝦，大蝦蝦頭炸得好脆口內裏仲有少少蝦膏慢慢品嚐。