富粥

Open Now

Now Closed

今日去咗呢個啟德郵輪碼頭行完，肚餓但又唔想食咁多野，就去左土瓜灣富粥食個午餐，店鋪位置就喺翔龍灣隔離，交通算係方便，雖然鋪頭唔大間，裝修唔算係新淨，而且仲係有些舊，正因為咁,就好有非連鎖式餐廳既舊式小店特色。店內餐具同埋枱櫈都算尚算乾淨 ，衛生情可以接受，呢間粥舖除咗生滾粥之外，仲有埋呢個廣東拉布腸粉。點左2碗粥和腸粉，上菜速度比較慢 ，但原來係因為佢係即叫即整，所以全部都係熱辣辣咁送到，睇得出用嘅食材用料都算係比較新鮮。滑雞豬肚粥豬潤粉腸粥雞蛋肉碎腸粉 ＆鮮蝦肉碎腸粉總結：食物嘅賣相唔算精緻，但勝在用料新鮮同足料，食物上枱時熱辣辣，一睇就想食 ，兩碗粥同腸粉嘅價錢都係廿幾三十蚊一樣，2個人食到滿足埋單都係100元左右，真係街坊價錢，十分合理 ，最重要味道又真係唔錯，所以值得推介值去食。