人人和平小飯店 (Renamed) View

有 bookmark 想嚟試，今日同 elegant 契媽聚會，佢話想去近屋企嘅，就約佢嚟啦，原來佢之前已經嚟過，亦話好食。一坐低，契媽已選定叫3寶套餐，難得有人作主，我二話不說就點了。套餐有肥叉，荷飯同雲吞雞湯加花膠，2個女人食必定打包啦。肥叉，又不是想像中肥，反而覺得佢嘅焦黑蜜糖可以係賣點，叉燒入口鬆化，又不太甜，仲有伴碟嘅蜜豆，此物真係冇乜幾多間食肆提供，識欣賞嘅就知佢係寶，唔怪得係皇牌。雲吞雞從來不是我杯茶，但我就好欣賞個湯同花膠仲有幾棵菜(細津白?)，雖然不是我杯茶，啲雲吞好足料，又大粒，雞...大概都有半隻份量。荷飯，好耐冇食了，有成粒瑤柱乾，又有蝦乾(並非蝦米乾呀)，仲有啲肉，足料㗎。之後仲送腐竹蛋糖水，我們倆清了肥叉，同湯，個飯就打包2/3，隨後享受糖水。個人覺得套餐夠3-4人份量。