新麻蒲 BBQ (波斯富街) (Closed)

有舊同學結婚，約埋成班中學同學出嚟食飯順便派帖，朋友介紹呢間餐廳可以一班人圍埋一齊，正好彩有訂位，如果冇訂位相信都要等一段時間，店員好殷勤咁安排我哋四個坐係卡位，前菜係送嘅，而且食晒可以再添，前菜水準唔錯由於我哋四個都係食肉獸，所以叫咗好多唔同嘅肉類，牛小排油脂分布好平均，而且肉類都算肥瘦均勻，而且望落去色澤都算幾新鮮除咗肉類方面，我哋都叫咗個炒粉絲同埋海鮮湯，炒粉絲份量好多，性價比好高，粉絲炒到啱啱好唔會過火，而海鮮湯辣味適中，送飯一流，整體來講呢餐飯性價比好高，我哋四個人食到捧住個肚走，超正