韓日屋燒烤放題 (Closed)

朋友聽講呢度環境唔錯，又就腳，我諗只有後者係岩既。我地八個人訂左位，七點正直入，坐響最入既位置。位置上初初冇乜野，越食就越熱越焗。我地有人想食刺身，都係加$30啫，豪比佢。我見到喜愛既希靈魚，第一時間就夾入口，先唔講佢有冇希靈魚嗰種特別既味道，事實佢係乜味都冇，連醋味都冇，唔知擺左乜入口。其餘既野例如甜蝦係唔甜的，其他都賣相一般，無興趣食了。點野食，先講已煮既。天婦羅每件有85%係炸粉，炸雞塊都一樣，睇到啲油已經入哂裡面，深色兼油膩得很。炸物只有日式餃子ok，其餘一般。講紅肉，其實好睇煎野技巧，不過我好記得牛肋骨肉唔似牛肋骨肉。我好明白放題式既食肆裡面正常都唔會有靚食材，我只能夠比40/100分，因為連件菠蘿都會太生而食唔落口。甜品，唔講買返黎既產品，芝士蛋糕係ok的，糕點都可以，有款用杯仔裝既奶製品就唔好食了。總括黎講如果對食物品質無乜要求的話，價錢還可以。稍有要求的話，呢度就唔算係好選擇了。