Noodies (Closed)

邊個話出去食飯就下下都係食味精㗎，呢間湯麵正呀喂，啲湯佢地自己每朝新鮮煲，賣曬就冇，上次行過見到7點就沽清湯底，今次終於試到啦！啲湯好好味，我飲曬成碗，滿足^_^重點係飲完啲湯隔好耐都唔會覺得口渴，因為真係冇味精，又唔會好似日本人豬骨湯咁濃味，好清甜，就好似屋企媽媽煲的湯，再加埋麵，真心唔錯！真係要贊一贊啲餸，好抵食喎，叫左溏心蛋，雲吞，豆卜，個fd就叫左豬手，墨魚丸。個溏心蛋啱啱好，仲好溏心，但我比較中意咸少少，對我黎講有少少淡。個fd話豬手好林，仲好多骨胶原咁，見到開店仲好貼心咁附上另一只碟裝骨～但fd比較中意浸落啲湯度一齊食。我將豆卜留到最後，索曬啲湯，好好食咖喎，正！