Video
Read full review
2016-07-16
1457 views
是咁的，雞煲盛行至今，我對雞煲嘅熱情係從來冇減退到，今次就輪到倫哥，雖然倫哥嘅雞煲係任食嘅，但估唔到有樣嘢係其他單叫同任食嘅食市都做唔到嘅，就係闊佬喇，雞肉又厚又滑，仲係大份量，唔會孤寒比少少博你唔叫下一轉，麻辣汁好香好濃入晒味，真係好食過我之前食果D多多聲，仲食到忘形唔記得之後仲有海鮮火鍋，我竟然急不及待叫多一轉，最好笑個碟雞一嚟到我個朋友嘩咗一聲，原來再叫多一轉嘅份量都係咁多嘅，雞嘅質素都係咁高，當大家食足兩大煲香噴噴嘅雞煲咁滿足，我地都係時候要開始海鮮大會……一嚟就係個瓜瓜湯底，老實講，睇落個湯底賣相唔夠靚，但過一陣我就知錯了，海鮮拼盤計人頭份量，再嚟二人一碟嘅牛肉，其餘D丸呀餃呀菜呀都好快就到，好有效率，到滾熟之後我地食一口大蝦蜆肉鯇魚片，我頓時覺得有D羞愧又有D驚喜嘅感覺，個瓜瓜湯底又清又甜，尤其啱啱食完咁濃味火辣嘅雞煲，再配上瓜瓜湯底打邊爐簡直無比絕配，頭先見到碟雞嘩一聲果個朋友又有嚟料，就係叫侍應拎咗幾隻湯匙羹話要飲個瓜瓜湯底，就係咁，幾個麻甩對住一個湯底咁“不“，一路飲一路覺得好鬼温馨，好鬼舒暢……其實D丸呀餃呀都好正好足料，但一定要推介嘅就係炸魚皮喇，三個字：香鬆脆
一嚟就係個瓜瓜湯底，老實講，睇落個湯底賣相唔夠靚，但過一陣我就知錯了，海鮮拼盤計人頭份量，再嚟二人一碟嘅牛肉，其餘D丸呀餃呀菜呀都好快就到，好有效率，到滾熟之後我地食一口大蝦蜆肉鯇魚片，我頓時覺得有D羞愧又有D驚喜嘅感覺，個瓜瓜湯底又清又甜，尤其啱啱食完咁濃味火辣嘅雞煲，再配上瓜瓜湯底打邊爐簡直無比絕配，頭先見到碟雞嘩一聲果個朋友又有嚟料，就係叫侍應拎咗幾隻湯匙羹話要飲個瓜瓜湯底，就係咁，幾個麻甩對住一個湯底咁“不“，一路飲一路覺得好鬼温馨，好鬼舒暢……
其實D丸呀餃呀都好正好足料，但一定要推介嘅就係炸魚皮喇，三個字：香鬆脆
總括：任飲任食埋單一個$295，想朋友聚吓食好嘢，倫哥確係值得推介
Post