河內越式料理

Open Now

Now Closed

大半年前食過呢間係尖沙咀嘅河內越式料理半年後再返返去食多次，晚上八點幾去到都差唔多坐滿人，而且都不斷有人入去。質素仍然keep到👍🏻👍🏻👍🏻牛丸湯檬$59，牛丸半粒半粒咁幾入味，牛肉味唔會太重我覺得啱啱好，檬粉份量都足夠都幾大個，食唔晒俾咗啲老公幫手食。多洋蔥超正。雞絲湯河$52，雞絲份量都幾多，河粉夠晒滑，睇相都知到幾多湯，不過個湯都好好飲，一啖湯一啖河粉差唔多都可以飲晒。蝦餅真係超正好好食，必食推薦！外層揸得啱啱好，爽口彈牙蝦味夠。椰汁珍多冰跟嘢食加$12，椰汁類嘅嘢飲真係好好飲超鍾意。