錦麗 (形點 II) (Under Renovation)

上次去佐敦嗰間食嗰個火車頭好鬼少餸！説好的補償失望嘅心靈，今日去返錦麗食，上次講錯咗，唔係佢嘅火車頭（貴啲），係綜合粉，午餐先至係$74，啲餸真係多好多呀！牛腩有成三大嚿，生牛肉都有兩大片，仲有兩粒大牛丸，而且湯頭好好味，質素一路保持水準，上次嗰間只係多兩片扎肉，但牛腩得一細嚿，生牛肉一細片，牛丸兩細粒。今日仲追加左個牛油蒜香雞鎚，好脆唔油裏便好Juice，平時都有叫，另外好鍾意飲佢嘅椰汁三色冰，但今日椰汁三色冰同埋紅豆冰都冇，所以只係叫咗普通嘅凍美綠。一路都保持水準，其實香茅豬扒都好好食，不過綜合粉多餸，所以一個人通常都係叫佢，如果同埋老公嚟就可以叫兩様大家share食。