Video
Read full review
2010-11-22
31 views
我同樓下大部份食家一樣係用激安折扣,但我就真係冇同大家一樣既食後感.真係唔係我要求高, 我食開既同類餐廳,無論環境(海景除外), 坐位, 服務, 食品質素, 食品味道, 用心都比呢間高,偏偏價錢就比呢間平好多好多好多, $400/2個人埋單仲有幾十蚊找.首先因為環境太黑, 我地又唔記得帶相機, 所以影出黎既相唔夠光, 唔放上黎啦,其實樓下都已經有好多相, 都大同小異啦.環境真係好迫, 音樂太大聲, 感覺似在酒吧, 完全冇西餐廳感覺,而且油煙太大, 我都未試過去食西餐食完好似食韓燒咁成身味.焗田螺 味道OK(罐頭都唔OK就死得), 薯茸就好一般, 唔夠軟滑, 意粉屋比較好食, 唔可以同我食開果間比較.比較 : 我食開果間前菜有大約5款選擇, 當中既焗田螺係用磨菇盛載, 乾淨企理, 薯茸香滑.龍蝦湯 一上枱我仲以為係普通白湯, 原來有龍蝦肉, 我唔明點解D肉係凍, 仲用比較濃味既調味, 通常係唔新鮮既食材先會用呢個方法. 而最唔鍾意係D湯上枱只係暖暖地, 飲到尾已經凍晒...比較 : 有數款唔同湯選擇, 除龍
但我就真係冇同大家一樣既食後感.
真係唔係我要求高, 我食開既同類餐廳,
無論環境(海景除外), 坐位, 服務, 食品質素, 食品味道, 用心都比呢間高,
偏偏價錢就比呢間平好多好多好多, $400/2個人埋單仲有幾十蚊找.
首先因為環境太黑, 我地又唔記得帶相機, 所以影出黎既相唔夠光, 唔放上黎啦,
其實樓下都已經有好多相, 都大同小異啦.
環境真係好迫, 音樂太大聲, 感覺似在酒吧, 完全冇西餐廳感覺,
而且油煙太大, 我都未試過去食西餐食完好似食韓燒咁成身味.
焗田螺 味道OK(罐頭都唔OK就死得), 薯茸就好一般, 唔夠軟滑,
意粉屋比較好食, 唔可以同我食開果間比較.
比較 : 我食開果間前菜有大約5款選擇, 當中既焗田螺係用磨菇盛載, 乾淨企理, 薯茸香滑.
龍蝦湯 一上枱我仲以為係普通白湯, 原來有龍蝦肉,
我唔明點解D肉係凍, 仲用比較濃味既調味, 通常係唔新鮮既食材先會用呢個方法.
而最唔鍾意係D湯上枱只係暖暖地, 飲到尾已經凍晒...
比較 : 有數款唔同湯選擇, 除龍蝦湯外, 鮮雞清湯同凍湯都有絕大驚喜, 睇得出係用心機同時間去煮.
芝士焗蠔 味道一般, 食唔出蠔香, 而隨後我地發現佢地可能蠔殼翻用...
比較 : 沒有供應.
澳洲肉眼扒 唔知點解, 牛扒肉味唔濃極淡, 醬汁普通, 只係燒汁, 牛肉質素差, 配菜水煮熟冇味.
比較 : 牛肩肉拌合桃紅酒汁, 牛味超濃有口感, 合桃汁濃淡適中, 搶唔到牛味, 配菜略煎熟.
羊鞍 已經冇乜胃口吸引我地繼續食, 冇食.
比較 : 雖然人地都有羊鞍, 但我地通常都會食比較特別既日本無菌豬扒, 冇煮到全熟, 入口軟滑冇渣, 冇豬腥味.
甜品 木糠蛋糕好食既原因係瑪利餅打得好碎好滑, 味道亦都OK.
心太軟用傳統做法, 唔似大部份餐廳用朱古力軟心做, 值得一讚.
但稍嫌甜品過於普通, 可能因為2款我自己係屋企都會整黎食, 唔覺得別.
比較 : 木糠布甸係午市套餐($40-50)甜品, 我曾經好有衝動去廚房問廚師點整, 雖然簡單, 但味道超然, 我未食過咁好既味道.
晚餐數款甜品當中, 我最愛紅酒煮啤梨, 煮得入味, 夠香甜, 因為麻煩唔會自己煮.
Post