Video
Read full review
2024-08-19
315 views
以前飲茶去過幾次都已經覺得麻麻地，主要係屋企人成日都想試吓食佢夜晚，點知出晒事，呢世都唔會再去。😤⁉️冇態度我到先，我去攞位，唔知做咩咁爆，油塘真係冇嘢好食？😶🌫️俾咗張舖頭中間嘅位，但係屋企人到之前有三張窗邊卡位嘅人走，我就問「可唔可以調位呀？佢哋啱啱走，我屋企人都未到」，個阿姐即刻話：「啲枱都係一樣嘅啫，我啱啱俾咗張枱你，你又調？」，我話佢哋比較鍾意窗邊位，佢哋未到，你唔使急慢慢，佢哋到咗都係一樣會請求調位。跟住佢就口up up執枱，話我搞到佢又要執枱，我頂唔順就講咗句：「其實你係咪都要執枱，我都冇催你⋯」😠仲話：「茶壺同碗碟，你自己拎嚟啦」真係成肚氣😡⁉️講嘢1999落單係scan QR code，但做緊一個優惠係可以$1叫燒鵝或者雞，我就見到上面呢兩樣都話售罄，我就去問吓。今次係另一個阿姐，佢話：「你要落咗原價先，我哋係要手寫幫你改單」咁我就以為要落咗原價嘅燒鵝先，我就話但係個網上面話佢售罄我落唔到，總之講完一大餐，佢意思係叫我落我其他原價嘅菜式，等我開咗張單，佢先可以手寫幫我落$1優惠嘅嘢😇⁉️冇食物質素叫咗佢$1燒鵝，二至四人份量，佢聲稱係¼隻燒鵝，嚟到有一半都係肥膏（圖4）😀我
⁉️冇態度
我到先，我去攞位，唔知做咩咁爆，油塘真係冇嘢好食？😶🌫️俾咗張舖頭中間嘅位，但係屋企人到之前有三張窗邊卡位嘅人走，我就問「可唔可以調位呀？佢哋啱啱走，我屋企人都未到」，個阿姐即刻話：「啲枱都係一樣嘅啫，我啱啱俾咗張枱你，你又調？」，我話佢哋比較鍾意窗邊位，佢哋未到，你唔使急慢慢，佢哋到咗都係一樣會請求調位。跟住佢就口up up執枱，話我搞到佢又要執枱，我頂唔順就講咗句：「其實你係咪都要執枱，我都冇催你⋯」😠仲話：「茶壺同碗碟，你自己拎嚟啦」真係成肚氣😡
⁉️講嘢1999
落單係scan QR code，但做緊一個優惠係可以$1叫燒鵝或者雞，我就見到上面呢兩樣都話售罄，我就去問吓。今次係另一個阿姐，佢話：「你要落咗原價先，我哋係要手寫幫你改單」咁我就以為要落咗原價嘅燒鵝先，我就話但係個網上面話佢售罄我落唔到，總之講完一大餐，佢意思係叫我落我其他原價嘅菜式，等我開咗張單，佢先可以手寫幫我落$1優惠嘅嘢😇
⁉️冇食物質素
叫咗佢$1燒鵝，二至四人份量，佢聲稱係¼隻燒鵝，嚟到有一半都係肥膏（圖4）😀我哋反映希望換，個阿姐都望一輪猶豫再三先至拎返去換，換完返嚟冇特別好咗感覺仲少咗，張圖少左兩舊係我哋夾咗嚟食😹（圖6）
叫咗$45半打小籠包（圖9），嚟到全部本身都係穿咗，我哋仲要等咗半個鐘😀
叫咗個金磚豆腐（圖10），45分鐘先至嚟到，當中我催過兩次，而啲阿姐第一時間並唔係催促廚房，而係走去check我係咪真係等咗45分鐘。上菜嗰一刻阿姐竟然仲話：「一講就到」😀
啲嘢唔係特別好食，服務差到我真係唔會再去第二次，食物嘅選擇都唔係多。
滿載肥膏嘅一蚊燒鵝
31 views
0 likes
0 comments
30 views
0 likes
0 comments
菜遠蝦球炒麵
10 views
0 likes
0 comments
嚟到已經穿晒嘅小籠包
11 views
0 likes
0 comments
Post
