目利きの銀次 (Closed)

今日同老公係銅鑼灣行街，又想食日本嘢，所以今晚選擇咗目利銀次。之前都有去過食飯，不過因為訂位比較難訂又怕上到去冇位，都打消咗幾次念頭。但今次打去訂，接電話嘅員工就話要一個半小時還枱，唔緊要啦時間都好足夠吖，所以都冇乜所謂。上到餐廳可能係weekday 關係，唔係好多客人。 店員為我地送上熱茶嘅時候就話：今晚客人唔太多，可以慢慢食，唔需要還枱，夠靈活變通。 師傅介紹咗幾款時令刺身，有我最愛嘅貝類啦，粒貝北寄貝好爽脆，老公最愛嘅超大牡丹蝦，鮮魚刺身（好似叫伊佐木）好夠魚味好新鮮，因為個刺身盤太勁嘅關係食唔到太多嘢， 只係加咗個明太子蛋卷，明太子夠咸香蛋夠軟滑 最後加咗個三文魚燒飯團，表皮燒得夠香脆最最最重要一定要食蒸紅豆年糕做結尾，簡直香軟煙 un ，今晚真係好滿足呀