一芳台灣水果茶 (Closed)

上次第一次試一芳係飲黑糖粉圓鮮奶茶，覺得味道一般，今日再戰一芳，試下佢既台灣水果茶～今次叫一芳水果茶既時候，店員不停問我要不要少甜，再三強調甜度係跟返台灣個邊既甜度，所以正常甜度對香港人來說係會偏甜！但我呢的螞蟻🐜，最中意飲甜既野飲，食甜既野，邊有可能少甜？等我仲心思思杯野有幾甜～杯水果茶一拎上手就覺得好有分量，見到真係爆到滿曬既水果係杯入面！我本來都無諗過會有咁多，所以我最後都拎左個叉黎到拮生果食～飲落又唔係店員講到咁甜喎！我覺得岩岩好，水果味好香又甜，百香果一路飲一路有得咬～好味！飲完就食埋的生果，生果都新鮮，全部都好甜～好飽好滿足！