Video
Read full review
2011-12-12
160 views
放工之後一肚氣，最好莫過於去食番餐 XP仲回味緊噚晚碗雲吞麵，於是乎今晚決定再嚟多碗雲吞麵…廣福里嘅海達呢間亦係點心+麵嘅茶餐廳，門口有點心同盅頭飯外賣，平時亦見經常滿座，但環境就一般。諗都唔洗諗就即刻order碗雲吞麵，等等吓，決定嗌多碟燒賣，試一試啲點心先。先嚟碟燒賣，都幾大粒，但差唔多全部都係豬肉，入面有少少碎蝦。但味道唔錯，大大啖食好有口感。$12碟算係好抵。之後到碗麵喇，亦係加咗腩汁。呢度嘅腩汁顏色淡啲，但味道一樣咁好食，麵亦彈牙；雲吞有5粒，但唔係全部鮮蝦，入面混入咗少少肥豬肉碎，所以咬落有少少散，但味道就唔錯。亦係食完會有滿足感嗰種。至於辣椒油呢，屬於辣得嚟帶香口嗰隻，ok啦。埋單加埋都只係$32，就已經可以release到少少嘅火，都算抵^^
放工之後一肚氣，最好莫過於去食番餐 XP
仲回味緊噚晚碗雲吞麵，於是乎今晚決定再嚟多碗雲吞麵…廣福里嘅海達
呢間亦係點心+麵嘅茶餐廳，門口有點心同盅頭飯外賣，平時亦見經常滿座，但環境就一般。
諗都唔洗諗就即刻order碗雲吞麵，等等吓，決定嗌多碟燒賣，試一試啲點心先。先嚟碟燒賣，都幾大粒，但差唔多全部都係豬肉，入面有少少碎蝦。但味道唔錯，大大啖食好有口感。$12碟算係好抵。
之後到碗麵喇，亦係加咗腩汁。
呢度嘅腩汁顏色淡啲，但味道一樣咁好食，麵亦彈牙；雲吞有5粒，但唔係全部鮮蝦，入面混入咗少少肥豬肉碎，所以咬落有少少散，但味道就唔錯。亦係食完會有滿足感嗰種。
至於辣椒油呢，屬於辣得嚟帶香口嗰隻，ok啦。
埋單加埋都只係$32，就已經可以release到少少嘅火，都算抵^^Post
