上勝日本料理 (億利工業中心) (Closed)

之前食過一次，老婆係咁話要再返嚟食，所以今晚就滿足佢呢個心願。三文魚腩刺身 & 三文魚刺身，鮮甜肥美嘅三文魚必定要叫，魚腩部位就更加甘香肥美！黑松露帶子沙律，上面嘅炸麵好有蛋香味，蔬菜新鮮爽脆，配合埋柚子醋好開胃，鮮甜嘅帶子加上黑松露嘅幽香，味道更加有層次，好味~蒲燒肥厚鰻魚飯(大盛)，鰻魚夠晒厚切，加埋上面嘅醬汁味道真係一絕，我超鍾意！海膽軍艦，呢個海膽真係令我地喜出望外，堆滿成個軍艦飯糰，入口非常鮮甜甘香！芝士燒扇貝，估唔到叫一隻扇貝都有咁靚嘅擺盤。扇貝好鮮甜，加上少少焦香嘅芝士味道好夾~日本芝士蛋糕，鬆軟嘅芝士帶嚟綿滑嘅口感，味道又香，係老婆嘅最愛之一！巨峰乳酸梳打，好香巨峰提子味，仲好夠氣，爽~老婆對呢餐非常滿意，睇嚟距離下次再戰嘅日期又不遠了 😂