辛安東元祖奶奶雞 (Closed)

繼上次半價奶奶雞之後，又有$1奶奶雞優惠，人均消費$50之後加$1就食到，按人數計份量，四人以下係例牌。嗌咗水冷面同生菜包，加埋份雞就啱啱好二人份量$1奶奶雞的骰版奶奶雞。配料依然齊全，蘿蔔、薯仔、青(?)瓜、水晶粉都喺哂度。最初驚會好細份，實情兩個人食都過得去，四個人就難啲了。明洞水冷面每次必點。好好奇個汁究竟點整？豚肉泡菜生菜包雖然一件要十幾蚊，但係味道都對得住價錢。最大問題係塊生菜包唔哂，塊肉又好韌，成舊食又唔係，咬斷又唔係，食得好躊躇。另外仲有個優惠係加$1一隻大閘蟹，都可以一戰。期待再有新優惠！