品香樓中西風味餐廳

Open Now

Now Closed

呢日同家人黎呢度食飯，由於手撕雞要早一日訂，我地都可以訂埋位。可能時間尚早，所以都唔算太多人既。南乳雞翼幾好食，好重南乳味。雞翼炸得好入味。芝士琵琶豆腐呢個我覺得無季季紅咁好食，因為佢豆腐裡面係有料既。但呢個只係好普通既炸豆腐。不過，個芝士汁真係幾濃架，撈飯真係好好食。蒜香牛仔骨呢個真係好普通，因為個汁係好鹹。牛仔骨就唔差既，算幾好食，不過個汁真係太鹹。係好難食得到既。菜煲唔記得叫乜名，不過有好多料既。有魷魚，又有菜。椒鹽鮮魷呢個好好食架，炸粉唔太重。魷魚既份量算幾多，真係叫得過黎食架。手撕雞呢個就唔太得啦，因為雞係無乜味既。我情願叫多個南乳雞翼都無咁嬲。凍朱古力講真係無乜特別，只係上面有舊cream。但又幾好飲架，唔算太甜又好滑。