Video
Read full review
2020-01-14
1582 views
好耐之前來過MGB一次食lunch, 最近知佢重新裝修，咁就帶埋女友嚟食下大餐！而家既裝修更有美式餐廳的感覺，坐位同樣闊落，人多人少都可以安排到！想静静地食下飯傾下計，窗口邊既坐位就啱晒！呢度主打牛肉美食同各式酒類，今晚我哋order左一個set dinner, 小食同pizza! set dinner的小食首先出場，估唔到小食都咁豐富，有兩片風乾火腿，雞翼，水牛芝士等，爽口既沙律菜配上油醋汁都幾開胃！今晚餐湯是京蔥薯仔湯，薯仔味濃郁，帶點甜，唔錯我哋跟餐加$28有多一份炸雞塊配意大利油醋汁，帶點油膩既炸雞，配上油醋汁同爽口沙律菜，即時平衡返！辣辣地既好大隻既水牛成雞翼，好快送到檯上，外皮都幾香脆，個人覺得如果個汁再辣d仲好，不過而家都幾惹味！烤澳洲草飼西冷扒(七成熟) 賣相唔錯，陣陣焦香味令我流晒口水，炸得白雪雪幾脆既薯條，可以證明佢哋既油幾乾淨！切開入面鮮嫩既牛肉加上豐富既肉汁，入口鬆軟，諗起都流晒口水！夏威夷薄餅熱辣辣跟住西冷牛扒上檯，芝士十足，極易拉出芝士絲，配上菠蘿同煙肉同香脆既餅皮，我足足食左幾塊！嚟到甜品時間首先地中海橙片芝士餅，賣相非常吸引，芝士味濃郁，加香酸酸地
而家既裝修更有美式餐廳的感覺，坐位同樣闊落，人多人少都可以安排到！
想静静地食下飯傾下計，窗口邊既坐位就啱晒！
呢度主打牛肉美食同各式酒類，今晚我哋order左一個set dinner, 小食同pizza! set dinner的小食首先出場，估唔到小食都咁豐富，有兩片風乾火腿，雞翼，水牛芝士等，爽口既沙律菜配上油醋汁都幾開胃！
今晚餐湯是京蔥薯仔湯，薯仔味濃郁，帶點甜，唔錯
我哋跟餐加$28有多一份炸雞塊配意大利油醋汁，帶點油膩既炸雞，配上油醋汁同爽口沙律菜，即時平衡返！
辣辣地既好大隻既水牛成雞翼，好快送到檯上，外皮都幾香脆，個人覺得如果個汁再辣d仲好，不過而家都幾惹味！
烤澳洲草飼西冷扒(七成熟) 賣相唔錯，陣陣焦香味令我流晒口水，炸得白雪雪幾脆既薯條，可以證明佢哋既油幾乾淨！
切開入面鮮嫩既牛肉加上豐富既肉汁，入口鬆軟，諗起都流晒口水！
夏威夷薄餅熱辣辣跟住西冷牛扒上檯，芝士十足，極易拉出芝士絲，配上菠蘿同煙肉同香脆既餅皮，我足足食左幾塊！
嚟到甜品時間首先地中海橙片芝士餅，賣相非常吸引，芝士味濃郁，加香酸酸地既橙片，甜得嚟又會帶點酸，幾好味！
最後有朱古力慕絲餅，朱古力味十足，香濃既朱古力夾層，同外面既朱古力相映成趣，口感十足！
Post
