新南苑私房菜火鍋鷄煲 (華僑商業中心) (Moved) New Location

最近又凍番d，即刻約朋友食火鍋！呢間之前係灣仔分店食過，今晚試試旺角分店，都係任飲任食。今次冇食雞煲，揀左特色湯底： 鮮肉蟹花甲鍋 - 用肉蟹 同 花甲做材料既湯好有海鮮既鮮味！生猛海鮮拼盤 - 有大蟶子、鮑魚、帶子、蠔、海蝦、馬刀貝 同 脆鯇魚片鮑魚仲郁緊...可見其新鮮！仲有好特別既小籠湯包、芝士丸、沙拉包心丸呢幾款丸真係推介！好高質既丸類！之後都order左兩次！任點任食配料 - 脆鯇骨腩肉質好爽脆彈牙！Encore左幾次海蝦都係可以無限order....回本！雜錦蔬菜 - 可以自行選擇，多少悉隨尊便！仲有一人一杯紫薯奶凍甜品送！