斗滾 (銀座38) (Moved) New Location

事隔大半年，朋友們終於夾到時間，再去幫襯。一個價，$268，另收加一，只收現金。雞煲，食咗兩煲，惹味，最好係雞件並不是雞脾肉。蒸海鮮，有六款（聖子、鮑魚、海蝦、龍躉、帶子、花甲），樣樣都新鮮，但有少少蒸過火。燉湯，清得嚟又夠味，烏雞健康又唔肥膩。打邊爐，主要都係食手切牛頸脊同黑豚肉。甜品，椰汁雪燕，味道正常。質素唔差（但整體感覺對上一次好食啲），收費合理，最重要係冇限時（5點食到9點），慢慢食，吹吓水，開開心心咁又一餐。