泰發泰國餐廳

Open Now

Now Closed

隨便食食都 $1100 蚊落樓，再次無螄蚶食啊，真係要等有緣人喇。泰式鳳爪，冰涼的快感，作炎夏的涼拌頭盤夠舒暢。回想報導，真的用人口脫骨的嗎？記得要撈勻先食呀！鳳爪爽脆，爽彈的爪皮跟肉，酸辣味突出，強酸微辣，添上車厘茄更清新，車厘茄新鮮涼浸浸吸收埋酸辣汁，芬芳芹菜與芫茜點綴，味道甜酸辣再有茄味好有趣，滿足。泰式生蝦，炸蝦頭沒有放入雪櫃冷藏好多了，室溫沒有霧水微脆微香口不油膩，當小食助酒還免強可以。蝦肉比以往出色少少又爽少少帶黏黏，有蝦汁在表面證明夠新鮮，質素達標。泰式橋底炒蟹，索價 $320 蚊，正路收費。非常普通的一般，雖新鮮活劏，但蟹味平凡，泥味偏重，肉彈帶汁，蟹身比蟹拑更好食，香料味略厭太微弱。泰式燒羊架，其中一件勁肥，大大舊肥膏羶到不得了，吃不消，格硬吞下。瘦的兩件無驚喜，醃味大眾化無特別，唔難食，求其了結。鹽燒盲鰽，雖然打開熱騰騰又白煙輕飄，不過太大條唔夠熟呢，還差一成，黐骨程半透明淡粉紅色。師傅重手左，比以往咸，鮮味及肉汁都比以往差，失望。馬拉盞通菜，旱通正常穩陣，微油香口惹味，少少辣泛著咸香，夾埋紅椒同吃，爽甜滿意。