Video
Read full review
2010-09-30
103 views
仍記得師傅早一陣子黎過呢間食店試過碗仔翅同魚蛋等, 仲講過一定要黎試埋車仔麵先可以正式判斷呢間食店得唔得; 終於事隔大約十天後師傅再次光臨呢間食店, 目的就係要試下呢間食店嘅車仔麵係咪咁出名! 入到食店人都唔少, 而店內較入嘅位置有位, 於是師傅就行入去坐底; 一坐底當然係立即柯打野食啦, 加上師傅喪肚餓, 於是實行喪叫喪食; 而麵底師傅就揀左幼麵, 仲要左兩個混, 而於餸就有牛肚, 豬紅, 豬皮, 豬腸, 辣魚蛋同埋蘿蔔, 再加上腩汁同辣汁, 實行有殺錯冇放過; 六餸兩麵份量嘅車仔麵絕對唔少野呀, 幸好堂食有豆漿送, 所以飲品呢個位可以慳番少少!落完單都要等一陣, 大約五分鐘啦, 用食車仔麵嘅角度黎講算係慢架喇, 不過師傅喺度諗可能係慢工出細貨呢! 當碗車仔麵放喺師傅面前時, 師傅發覺真係好大碗, 絕對有可能食唔晒, 不過點都好, 第一時間點都要試下個湯底, 話晒湯底都係成碗車仔麵嘅靈魂, 點知入口發覺湯底淡淡的, 就算飲多幾啖都唔覺有味, 完全帶唔起食慾, 十分之不討好, 喺嗰一刻師傅就知道出事了! 出左事都要食埋落去啦, 鬼叫柯打左咁多咩! 先試豬紅, 豬紅一夾落去唔會即刻碎,
入到食店人都唔少, 而店內較入嘅位置有位, 於是師傅就行入去坐底; 一坐底當然係立即柯打野食啦, 加上師傅喪肚餓, 於是實行喪叫喪食; 而麵底師傅就揀左幼麵, 仲要左兩個混, 而於餸就有牛肚, 豬紅, 豬皮, 豬腸, 辣魚蛋同埋蘿蔔, 再加上腩汁同辣汁, 實行有殺錯冇放過; 六餸兩麵份量嘅車仔麵絕對唔少野呀, 幸好堂食有豆漿送, 所以飲品呢個位可以慳番少少!
落完單都要等一陣, 大約五分鐘啦, 用食車仔麵嘅角度黎講算係慢架喇, 不過師傅喺度諗可能係慢工出細貨呢! 當碗車仔麵放喺師傅面前時, 師傅發覺真係好大碗, 絕對有可能食唔晒, 不過點都好, 第一時間點都要試下個湯底, 話晒湯底都係成碗車仔麵嘅靈魂, 點知入口發覺湯底淡淡的, 就算飲多幾啖都唔覺有味, 完全帶唔起食慾, 十分之不討好, 喺嗰一刻師傅就知道出事了! 出左事都要食埋落去啦, 鬼叫柯打左咁多咩!
先試豬紅, 豬紅一夾落去唔會即刻碎, 但入口後發覺幾實身同唔滑, 口感係有少少煙韌, 但並唔係師傅鍾意嘅豬紅, 所以算係一般; 至於牛肚都炆得幾腍, 夠入味, 算唔錯喎; 而豬皮絕對係一大敗筆, 皆因豬皮非常腍身, 又唔爽口又冇咬口, 真係令人失望呀; 豬腸就炆得腍, 但腍得黎都仲有少少爽口, 爽口得黎又唔會韌, 所以都收貨; 辣魚蛋就兩個字形容 “鬆散”, 連魚蛋最基本嘅爽口彈牙都冇, 絕對失望, 唯一可取係夠辣, 如果連辣都唔辣咁師傅真係唔知點食喇; 最後係蘿蔔, 蘿蔔係用清湯炆, 炆得好腍而且好甜, 不過有少少渣, 加上清湯炆所以冇咩味道, 合格啦! 至於幼麵煮得太腍, 唔爽口, 師傅就唔鍾意喇; 成碗車仔麵令師傅最安慰一定係個辣汁, 如果冇呢個辣汁師傅都唔知點食喇! 至於送嗰杯豆漿反而有驚喜, 皆因夠凍而味道唔甜, 師傅就好欣賞, 究竟係唔使錢所以要求低定係豆漿水準高呢?
總括黎講食物質素普通過普通, 唔覺得有幾傳統, 而服務都幾有禮, 環境一般, 價錢都唔算平, 款款餸都唔同價錢, 豬紅, 辣魚蛋同蘿蔔就四蚊一份, 豬皮就五蚊, 牛肚六蚊, 豬腸最貴賣七蚊一份, 幼麵就三蚊一個, 埋單三十六蚊未見得抵食! 坦白講三十六蚊一碗車仔麵絕對接受到, 但大前提係要好味, 而呢間食店嘅水準真係令人失望; 最後師傅係冇辦法食晒成碗車仔麵, 唔係太飽, 係因為唔好味; 所以喊臉係要一比, 同埋好肯定一定冇下次!
Post
